طريقة مها الصيعري للرز

طريقة مها الصيعري للرز بالصور

وصفة عمل وطبخ الرز بشكل نثري سهل وسريع ولذيذ

باعلمكم طريقتي للرز وللكشنة الحشو فوق الرز

واللي يسألون كيف الارز ما يتكسر او ما تلصق

اذا ما ودك الرز يتكسر لا تحركينه وهو يطبخ

اذا ودك الرز نثري وما يتلصق ببعض لاتزيدي الماء للطبخ

قاعدة في طبخ الرز

لازم يغسل الرز حتى يصفى اقل شي خمس مرات وبعدها يتم تنقيعه وكل ما زاد وقت التنقيع يكون افضل

وذي في معظم انواع الرز رز الوليمه ورز ابو سنبلتين ورز ابو كاس ورز الشعلان وغيرها

الارز من طبخه يضبط .. ويصير نثري وحبه طويله من تنقعينه

how to basmati rice cooking water recipe in arabic

طريقة طبخ الرز الأبيض الساده مثل المطاعم

اغسلي الارز خمس مرات او حتى يصفى الماء

وبعدين خليه ونقعيه بماء دافي حتى لو ساعه عادي

بعدها صفيه من الماء بدون ما تحركينه لان حبة الرز منقعه مره وبيتكسر

حطيه بالقدر

وضيفي عليه ماء يغطي الرز بس عشان يصير نثري

( مقدار الماء الي يطبخ فيه يغطي الرز بس لان الرز بيكون مرتوي معاد يحتاج ماء كثير )

وقليل زيت وملح وفلفل اسود

وخليه يطبخ ع نار وسط وغطيه

اذا تحبين تلوين وجه الرز

بعد ما ينزل مستوى الماء رشي عليه صفار الطعام الاصفر ( اختياري )

وخليه ع نار هاديه وأكتميه بالغطا عشان البخار

وشوفي كيف تطلع حبة الرز نثري وطويله وناعمه

وفي وقت تقديم الرز

طلعي وشيلي الرز اللي فوق الزجه وعليه الصفار اولا على جنب

واغرفي باقي الرز بصحن التقديم

وضيفي ع الوجه الرز الاصفر اللي طلعتيه

واضيفي الدجاج او اللحم اللي مسويته معاه

وهنا نفس الرز بس اضفت ملون طعام للوجه قبل الاستواء

طريقة رز بسمتي بالخضار المجمدة

استخدمت رز الوليمه

وهالطريقه تضبط الاي نوع من الارز ابو سنبلتين ، ابو كاس ، الشعلان .

اغسله اربع مرات او حتى يصفى ماء

ونقعه مدة ساعه في ماء دافي يميل للحراره اكثر .

وعند الطبخ

صفي الرز من باقي الماء وضيفي له ملح وزيت

والخضار المجمدة استدمت الجزر والبازلا

واضيفي ماء حار اللي يغطيه بس

لأن الرز منقع ومرتوي معاد يحتاج ماء كثير

وغطيه ولا تحركينه ابد عشان ما تكسر

وخليه على نار هادئة حتى استواء الرز

وعند غرف الرز حاولي من الاطراف بس تقلبينه ع بعض بملعقه خشب

وكبيه بالصحن ع طول عشان تبقى حبه الرز بشكلها الطويل

وحطي فوقه الدجاج او اللحمه او الطبق المقدم معاه

طريقة الحشو فوق الرز او الكشنة للزينه فوق وجه الرز

حشوة الارز تعطي نكهه وذووق لطبخه

اول شي حمسي الشعيريه حتى يشقر لونها

بعدها صبي لها نص بياله ماء

وطفي النار عليها عشان تلين

اللي يسألون يقولون يابسه .. لا مو يابسه ضفنا عليها الماء

الان بصل مقطع شرائح احمسيه بقليل زيت حتى يشقر لونه

بعدين حطي عليه الشعيريه المحموسه

واضيفي زبيب ومكسرات وملعقه صغيره ملون طعام الاصفر وبهارات وشوي ملح

وقلبيها على نار هاديه

وبعد مايستوي الارز

حطي الحشو فوق الرز

وغطيه بغطاء محكوم عشان يأخذ نكهة الحشوه

وفي وقت بتغرفي الارز

طلعي الحشو مع وجه الرز بصحن ع جنب

وزيني بها على اللحم والرز

وبالف عافيه

صحة وعافية♥️