مسالا دجاج مها الصيعري
طريقة عمل مسالا دجاج مها الصيعري بالصور
وصفة ألذ تكا مسالا دجاج نفس المطاعم لذيذة و سهلة مع الرز
how to make indian chicken tikka masala recipe in arabic
مكونات ومقادير وطريقة اعداد وتحضير وعمل مسالا الدجاج مها الصيعري :
اربع صدور دجاج منظفه ومقطعه مكعبات وسط
او دجاجة كاملة
وقطعي الدجاج ع حسب
اذا تبغينها قطع كبيره مثلا الدجاجه تقطع ثمان قطع او اصغر
شيلي الجلد وغسليها وخليها بماء دافي عشان تذوب من الثلج تمامآ
ونتركها بالتتبيله
مكونات التتبيلة
فصين ثوم مهروس وعصير ليمون وزنجبيل طازج مهروسوفلفل اسود مطحون
اتركيها ربع ساعه
وفي مقلاه
قطعي البصل والفلفل الرومي قطع صغيره مكعبات
وأحمسيه بأصبع زبده حتى يذبل
ثم ضيفي عليه ثوم وزنجبيل طازج مبشور
وأحمسيه حتى تذوب الكشنه
ثم ضيفي عليه الدجاج المتبل
والبهارات
بهار المسالا
واذا مو متوفره حطي بهارات عاديه حاره سوي الفلفل الهندي اختياري
انا سويت ثلاث انواع بهارات مشكله عندي مع ملعقه صغيره من ملون الطعام الاصفر
وتقلبينها خمس دقايق تقريبا
ثم ضيفي ثلاث ملاعق معجون طماطم و مكعب ماجي
بعدين طماطم مفرومه اربع حبات مع حبه فلفل بارد وفلفل حار
وتقلب حتى تستبك
ثم اضيفي رشة ملح ونص كوب ماء
وخليها تطبخ عشر دقايق
اخر شي ضيفي نص كوب كريمة طبخ
اذا ما عندك كريمة ممكن تحطين زبادي علبتين
وحركيها وخليها ع نار هاديه حتى تثقل
تقريبا حوالي خمس دقايق
وفي صحن التقديم
نضع المسالا
والتزين ع الوجه
قليل كريمة طبخ وبقدونس مفروم او كزبره
وتقدم تكا مسالا الدجاج مع الارز او الخبز
وبالف عافيه ❤️
طريقة عمل الرز
اغسلي الارز خمس مرات او حتى يصفى الماء
وبعدين خليه ونقعيه بماء دافي حتى لو ساعه عادي
بعدها صفيه من الماء بدون ما تحركينه لان حبة الرز منقعه مره وبيتكسر
حطيه بالقدر
وضيفي عليه ماء يغطي الرز بس عشان يصير نثري
وقليل زيت وملح وفلفل اسود
وخليه يطبخ ع نار وسط وغطيه
بعد ما ينزل مستوى الماء رشي عليه صفار الطعام الاصفر ( اختياري )
واحكميه بالغطاء
وفي وقت تقديم الرو
طلعي وشيلي الرز اللي فوق الزجه وعليه الصفار اولا على جنب
واغرفي باقي الرز بصحن التقديم
وضيفي ع الوجه الرز الاصفر اللي طلعتيه
ويزين بالبقدونس وبالعافيه
صحة وعافية♥️
