طريقة عمل الكليجة العراقية الاصيلة

طريقة عمل الكليجة العراقية الاصيلة من وصفات مطبخ زينب الحسن

وصفة تحضير اطيب كليجة عراقية هشة بالصور خطوة بخطوة

كليچة مال اول كليچة اهلنا ريحة وطعم وشكل بس اللي مطبقيها يعرفون 😜

iraqi kleicha recipe

المكونات والمقادير لعمل الكليجة العراقية الاصيلة :

مكونات عجينة الكليجا

كيلو طحين ما يعادل 5 اكواب
كوب ونصف دهن تو سمن او زبدة او نخلط دهن وزبد
ملعقة صغيرة خميرة فورية
ملعقة صغيرة هيل مطحون
ملعقة صغيرة ملح
معلقتين كبيرة سكر
كوب ماء دافي او حليب

حشوات الكليجا :

حشوة الجوز أو الفستق أو اللوز

جوز أو فستق أو لوز مقدار كوب نكسر بسكين ونخلط معاه معلقتين كبيرة سكر وملعقتين كبيرة ماء زهر وملعقة صغيرة زبدة او سمن وقليل من حليب مكثف محلى حتى تتماسك الحشوة ونخلط المكونات ويصبح مثل العجينة وجاهز للحشو

حشوة التمر

تمر مفلس منزوع النوى مقدار كوب ونخلط معاه ملعقة صغيرة زبدة او سمن ورشة هيل مطحون ورشة قرفة وسمسم محمص

حشوة المبروش

نخلط معاه سكر وقليل من حليب مكثف محلى حتى تتماسك الحشوة

حشوة السمسم

سمسم محمص ونخلط معه سكر

طريقة عمل وتحضير الكليجة العراقية الاصيلة :

لعمل العجينة

نخلط المقادير الجافة

ونسيح الزبدة او الدهن

مجرد تسييح بدون ما يصير حار حتى لا تسمر العجينة

ونحطها على الطحين

ونفرك الطحين بالزبدة

حتى يصير مثل الرمل يتخلل بالطحين كله

بعدها نبدأ نضيف الماء بالتدريج ونعجن باليد حوالي ثمان دقايق

وكل ما تطولون بالعجن يكون افضل

ونغطي العجينة ترتاح حوالي نصف ساعه

ونبدأ الشغل فيها والحشو ونكون مجهزين الحشوات

والقوالب اللي راح نشكل فيها الكليجا

ونجهز صواني الفرن المبطنه بورق الزبدة

ونشغل الفرن يسخن

ونبدأ بتشكيل الكليجا

وقبل ما ندخلها الفرن

نمسح الوجه بيض مع قطرات من الخل الابيض

ونخبز الكليجة بالفرن من فوق وتحت لمدة عشر دقائف بالكثير حسب نوعية الفرن لديكم

وتقدم الكليجة العراقية الاصيلة بالعافية

صحتين وعافية ❤️