وصفات مكرونة لذيذة وسهلة عبير العميرة
طريقة عمل وصفات مكرونة لذيذة وسهلة عبير العميرة بالصور
مجموعة من عمل وصفات المكرونة بطريقة لذيذة وسهلة من مطبخي
سباغيتي بيستو
باستا بالخضروات بصوص بيستو الريحان
المعكرونة الوردية الايطالية
صينيه الباستا بالفرن سهله ولذيذه
صينية مكرونة بالبطاطس
مكرونة فوتشيني أليم
باستا بالبصل الأخضر
صينية مكرونه بالباذنجان مع الكريمه
باستا الفلفل الأحمر
فوتشيني بخلطة دجآج مع الكريمه
بينك بيني باستا الورديه
باستا الدجاج بالبيستو
الباستا بكريمة الزعفران
باستا في الفرن بأربعة أنواع جبنه
اسبآقيتي عريضه
فوتشيني تالياتيلي الفريدو بالروبيان
الباستا بالدجاج والفطر
نبدأ بأول وصفة
سباغيتي بيستو
اسبآغيتي مع بيستو الفلفل الأحمر 🌶|
الطريقة سهله مره :
سلقت المكرونه الرفيعه بماء مع ملح بدون زيت
وبعدين صفّيتها من الماء
وخلطتها مع البيستو .
جبت لي تاوه أضفت فيها زيت زيتون مع فصوص ثوم مدقوقه ورشّة اعشاب ايطاليه
وبعدين أضفت شرائح ماشروم مع ميني طماطم وشوية ملح
ونحرّك لين يستوي ونقدّمه مع الاسباغيتي .. .
نرتب الصحن
وأحلى أضافة بالنهايه زيت زيتون وجبن بارميزان مبشور .
واستمتعو باللذآذة 😋
عساه بألف عافية على قلبكم♥️
====
باستا بالخضروات بصوص بيستو الريحان 🍃
باستا بالخضروات والبيستو 🍃 سهله ولذيذه وصحّيه .
.
مررره يمي وصفه صحيّه بس طعمها لذيذ كل مره أشتهي مكرونه أسوّيها بهالطريقة 😋👌🏻
تبون الوصفه ؟ و إلا تحبون اللغآويص والمطمطه 🤤💔 !!
أول شيء
أقطع الخضروات بشكل طولي ..
الأنواع اللي تفضلونها ..
حطّيت : ” كوسة ، جزر ، فلفل رومي ملون “
وخلطت معهم : كركم ، بهارات ايطالية ، بابريكا ، ملح ، ثوم مهروس وزيت زيتون
وقلبتهم مع بعض
وأضفتهم بقدر الضغط الكهربائي ١٠دقايق فقط ..
بهالوقت أصير سلقت المكرونه بماء فقط بدون ملح ولازيت
بعدين أول ما أصفّيها
أضيف عليها ملعقة كبيرة من بيستو الريحان 🍃
ثم أضيف الخضرواتاللي طبخناها
واخلط المكونات
وآخر شيء كزبرة مفرومه ..
واخلطهم
واستمتعو باللذاذه ..
• عشان يكون الطبق مكتمل أضيفو قطع دجاج أو يصير تقدمون معه صدر دجاج مشوي + سلطة 🍃
• المكرونه اللي استخدمتها مكرونة ايطالية عضويه
• ملاحظة مهمّه / كريمة الطبخ إذا حطيتيها بأي طبق غطّت على العيوب ولاراح تميزين الطعم .. لأنه بيكون دايركت دسم ولذيذ
وبالعافية
====
المعكرونة الوردية الايطالية
الطريقه سهله مره مره ☺️
المكرونه هذي اسمها : Pasta With Pink Sauce 💘
*المقادير/
_ مكرونه ” أي شكل تفضلوَنه ” .
_ صدور دجاج مقطعه مكعبات .
_ زبده .
_ زيت زيتون .
_ 3 فصوص ثومٌ .
_ بصله .
_ طماطتين كبيره شوي مفرومه بالخلاط + ملعقتين كبار صلصة طماط .
_ كوب كريمة خفق .
_م ك جبن سايل .
_ بقدونس وريحان .
_ جبن بارميزان .
_ بهارات إيطاليه + رشة فلفل أسود وأحمر + بودرة بصل وثوم +
بديل جبنة برميزان مو ضروري بس حلوه نكهته ☺️+ ملح ..
*الطريقه /
_ نضيف بالمقلاة ملعقة طعام زبدة ، وشوية زيت زيتون
ونقطع البصل والثوم تقطيع ناعم جدا ً..
وبعد ما يصير لون البصل ذهبي نضيف الدجاج .
_ بعدين نضيف البهارات
ونتركه يطبخ لحدَ ماينضج .
_ في خلال هالوقت نسلق المكرونه في مويه دافيه وقليل من الملح .
_ نضيف صوص الطماطمٌ ع الدجاج ونحرَكه ونخليه يتسبّك .
_ نضيف كوب كريمة خفق ونحرَكه + الجبن السايل .
_ نكون فارمين البقدونس والريحان ونضيفه على الدجاج والصوص .
( ماكان عندي ماحطيته والا هو يعطي طعم لذيذ 😋👍)
_ بعد ماسلقنا المكرونه نصفيَها ونضيفها على الصوص والدجاج
ونتأكد من الملح .
_ بعدين جبنة البرميزان توصوا فيها وكلَ ماكثرتوا كلما كانت أطعم 😋😋
_ بعدين تقدم دافيه واستمتعوا بألذَ مكرونه 👌😍😋
وبألف عافيه
====
صينيه الباستا بالفرن سهله ولذيذه
صينية البآستا المبتكره والسهله واللذيذه صدقوني لمن تجربونها رآح تعشقونها 😋👌 خصوصاً عشاق البآستا 😍
:. – الطريقه /
نقطع دجاج مكعبات
ونجيب التآوه ونحط فيها طبقة زيت نبي نقلي الدجاج بس مو قلي في زيت غزير لا بس شي خفيف لين يتحمّر ويستوي
بعدين نشيله بصحن ونخليه على جنب .
نقطع بطاطس وجزر وفلفل رومي مكعبات صغيره
ونحطها بنفس الزيت حق الدجاج
ونخليها لين تتحمر وتستوي
ونشيلها بصحن وننشفها من الزيت ونخليها على جنب .
نقطع بصل ابيض مكعبات كبيره وفلفل رومي أحمر وفصوص ثوم وراسين بصل أخضر و طماطم
ونشوحها بالزيت لين تذبل بدون تحمير لمن تذبل
نحطها بالخلاط
وبعدين لمن نخلطها نرجعها للتاوه بدون زيت
ونضيف عليها ملح وبهارات ايطاليه ومكسيكيه وفلفل حار احمر وفلفل اسود مطحون وكزبره مطحونه
بعدين نضيف الدجاج والخضروات
ونقلبها شوي ونطفّي عنها النار .
نسلق الباستا بماء وملح
ونصفّيها من الماء
وبعدين نخلطها مع خلطة الدجاج والصوص .
نصلح باشميل قوامه خفيف مو ثقيل
طريقة البيشاميل
٤ أكواب ماء + ٣ م ك حليب بودره + ٣ م ك طحين + ٢ م ك جبن سايل + شوي زعفران + رشة بهارات ايطاليه + أوريغآنو
وبعدين نصبّها فوق الباستا
ونحاول بالملعقه نخليها تغلغل في الباستا مانبيها تكون طبقه سميكه تغطي الباستا .
وندخلها الفرن
او نقدر نخليها بالثلاجه وعند التقديم ندخلها الفرن لين تتماسك وتتحمر خفيف .
وجعلها هني وعآفيه على قلوبكم ❤️
====
صينية مكرونة بالبطاطس
صينية المكرونة 🍝 بالبطاطس 🥔 اللذيذه
نقطع البطاطس مكعبات مع القشر
ونتبّلها بـ :
” زيت زيتون ، فلفل أحمر بابريكا حار أو بارد على حسب الرغبة ، كركم ، ملح ، بهارات ايطالية “
ونخلطهم زين مع بعض
بعدين نوزّعها بصينية
ونحط عليهم أوراق نعناع + اكليل الجبل
ونقصدر الصينية
وندخلها لفرن ساخن مشغل من تحت على درجة 180ْ
راح تاخذ نص ساعه تقريباً
بعدين نفتح القصدير
ونشيل الأوراق
ونحرًك البطاطس .
نجهز حشوة الدجاج
بتاوه ع النار :
أضيف شوي زبدة مع زيت زيتون ثم فصوص ثوم مدقوقه مع فلفل مجروش
ثم أضيف قطع الدجاج على نار عاليه عشان تتماسك على طول ماتنزل موية الدجاج
بعدين أشيله على جنب
وأضيف بنفس التاوه قطع خضروات مقطّعه صغير جداً :
” جزر ، فلفل ملون “
بعدين أرجّع الدجاج
وأضيف عليه بيستو الريحان مخلوط مع كريمة طبخ بحيث تكون الحشوة رطبه مو ناشفه 👌🏻.
أسلق المكرونة بماء مغلي بدون اضافات
وأول ماتستوي أرفعها في شبك
وأخلط معها صوص روزيه صوص جاهز من ماركة قودي .
الحين أجهز الصينية
وأضيف الدجاج مع البطاطس
وأحرّكهم مع بعض
بعدين أضيف المكرونه
وفوقها أضيف باشميل خفيف
** لعمل الباشميل الخفيف عباره عن :
كوب ونص ماء + م ك طحين + ملعقتين ك حليب بودره + م ص ثوم بودره .
يتغلغل فيها
بعدين أغطّي الوجه بجبن قشقوان
وآخر شيء توست آخذ لي قطعتين توست
وأقطعها وأحطها بمحضرة الطعام
وأفرمها مع شوي زيت زيتون
وأرشّها على وجه الصينية بالكامل
** التوست أسمر أو أبيض ترشّونه وهو رطب بعدين لمن تحمّرون الصينيه من فوق ينشف رهيبه هالحركه اعتمدوها على وجه الصواني 👌🏻
وتقدرون تضيفون عليه منكّهات : ايطالية 🍃 أو فلفل .. الخ
وأقصدرها مره ثانيه
وادخلها الفرن من تحت تتسبَك
بعدين أحمرها من فوق
وأقدّمها وهي ساخنه 🔥
وبالعافية
====
مكرونة فوتشيني أليم* 🍜🍴
تحمسين بصل وثوم مفروم
وتضيفين عليه قطع دجاج أو روبيان والخضروات اللي تحبينها على حسب الرغبه
بعدين تضيفين بهارات ايطاليه + بهاراتك المشكله والملح
بعدين تسلقين الفوتشيني بموية الدجاج او مويه وملح بدون زيت لان الزيت يسوي طبقه عازله مايخلي الفوتشيني يتشرب الخلطه
المهم إذا انسلقت
نجهز كريمة خفق + جبن سايل
ونضيفهم على خليط الدجاج
بعدين نضيف المكرونه ونحركها بملعقه خشب على خفيف عشان ماتتقطع
بعدين نخليها تتسبك ٥دقايق
ثم تجمل بالبقدونس المفروم والكزبره والاريغيانو وجبنة البرميزان تجنن بس ماكانت عندي وقتها ☺️
ثم تقدم وهي حاره وبألف عافيه ❤️😋
====
باستا بالبصل الأخضر🌱😭💔
* في يوم ما اشتهيتها وأكلتها وهي بالتاوه يممممم 😋
طريقتها /
حمست بصل مفروم مع شوي ثوم مهروس
ثمن أضفت دجاج مقطع شرائح
وخليته لين يتحمر شوي
ثمن حطيت بهارات ايطاليه وملح وفلفل أسود وبصل أخضر مقطع شرائح صغيره وفلفل حار
وخليته لين يستوي الدجاج
بعدين حطيت جبن سايل مع كريمة طبخ
وخلطت معه المكرونه المسلوقه
والمكرونه لاتحطون عليها زيت عشان تتشرب الخلطه 😍
بعدين نخليها شوي تتسبك
ونزينها بالبصل الاخضر وجبن البرميزان وتؤكل دافيه 😋😍👌
وبألف عافيه
====
صينية مكرونه بالباذنجان مع الكريمه 🍝 🍆 😍😋👌🏻
صينية مكرونه سهله سهله تهبل تهبل ما أقآوم المكرونه 😢💔
– الطريقه :-
نسلق المكرونه في ماء مغلي مع ملح فقط بدون زيت .
في تاوه نحط الزيت لمن يسخن
ونضيف قطع دجاج ونرفع النار ونخليه يتحمّر
حطيت عليه بهارات تندوري أحب نكهته ولونه 😍
بعد مايتشوّح مع الجوانب نشيله ونخليه بصحن على جمب .
بنفس التاوه نحط ربع كوب زيت خفيف مثل نور
ونحط فيه بهارات ايطاليه + ورق ريحان مجفف مطحون + فلفل أحمر مجروش + ثوم مبشور ناعم
ونخليه بس شوي تطلع ريحتهم
ونضيف عليهم مكعبات باذنجان ونخليها لين تتحمر
وبعدين نضيف طماطم معصور + صلصة طماطم
ونخليه شوي يتسبّك مع اضافة الملح
ونرجّع الدجاج عليهم .
نصفّي المكرونه من الماء
ونضيف الخلطه عليه
وبعدين نضيف كريمة طبخ والكميه على حسب الرغبه .
نجيب صينية فرن
ونحط المكرونه فيها ونرش ع الوجه بقسماط ناعم
وندخلها للفرن تتحمر من فوق وبس 😋👌🏻
وجعله بألف عآفيه على قلوبكم الجميله 🌸
إن شاء الله تجربونه ويعجبكم ❣
– ملاحظه اللي يحب يضيف جبن يضيفه أنا حبيت أغيّر هالمره واكتفي بالكريمه تلذذت بالنكهات أكثر وبس والله
====
باستا الفلفل الأحمر * 🍅😋👍
ألذ باستا صلحتها وسهله مره تجنن لاتفوتكم خاصه للي يعشقون الباستا مثلي 😭💔
*الطريقه /
حبتين فلفل رومي أحمر أحمسهم بشوي زيت وراس بصل أبيض مقطع مكعبات
بعدين اذا ذبلو شوي
أضيف البهارات الايطاليه ورشة فلفل أسود وملح وبودرة ثوم وم ك فلفل أحمر مطحون وملعقتين كبيره جبن سايل وكوب كريمة خفق ونص كوب حليب طازج
واخليهم ع النار لين يسخن الخليط ويبدى يطلع منه فقاعات
ثمن اطفيه واخليه يبرد شوي
واخلطه بالخلاط لين ينعم مره الخليط ..
ثمن اجهز صدرين دجاج مقطعين جوانح
واحمسهم بشوي زيت مع ملح ورشة فلفل أسود وشوي بهارات ايطاليه
بعدين نخلط الباستا المسلوقه مع الصوص بصينيه
وبعدين نضيف عليه قطع الدجاج
وبعدين نبشر فوق الدجاج جبن كرافت نستوصي فيه 😉
وبعدين ندخلها الفرن من تحت نص ساعه
ومن فوق شي بسيط مره عشان الجبن ماينشف
حلاته ذايب شكله مره يجننن ولون الصوص أليم 😭
وبألف عافيه متأكده راح يعجبكم 😋👍❤️
====
فوتشيني بخلطة دجآج مع الكريمه -😍😋🍜
هالوصفه روعه وسهلة جداً جداً فعلا ًتصلح لكل يوم
لأن الدجاج مو شرط للفوتشيني تقدرون تآكلونه لحاله و تقدرون تحشونه بساندوتشات و تقدرون تقدّمونه مع الرز الأبيض يعني خيارآت كثيره 😍
– الطريقه :/
– نحمّي الصاج أو التآوه على نار عالية وأول شي نسويّه نرش الصاج برذاذ الطبخ لورباك
. – بعدين نقطّع دجاج مبرّد طوال أو مربعات على حسب الرغبه
وبعدين نحطّه والنار عاليه ونحط عليه شوي من بهارات تندوري + رشة فلفل اسود + بهارات ايطاليه + رشة من ورق الريحان المجفف .
وبعدين إذا شفنا الدجاج تحمر من الجهتين بس بدون مايستوي مره
نجيب صحن ونحط فيه الدجاج
وبعدين بنفس التاوه نشوّح
بصل شرائح + فلفل رومي ملون + فلفل اخضر حار حسب الرغبه .
واذا بدى يذبل نرجّع عليه الدجاج
ونكمل باقي المقادير
في هالمرحله نحط ملح + فطر
+ كريمة الطبخ والكريمه تتحكمون فيها إذا للساندوتشات لاتكثرون مره .
آخر شي نكون سالقين الفوتشيني
ونخلطه مع الحشوه عند التقديم وبس 😋😍👍🏻
و جعله مطرح مايسري يمري 💕 .
. – فيه أسئله جتني :/
– نحط ماء مع الدجاج ؟
لا ابداً .
– اخاف مايستوي ؟
الدجاج ماياخذ وقت بالاستواء ١٠دقايق وهو جاهز اللي يشوح الدجاج ويقلّبه كثير يصير الدجاج كأنه بلاستيك !!!!
وبالعافية
====
طريقة عمل بينك بيني باستا الورديه
بيني باستا الورديه اسمّيها الباستا ( المنغنغه )🍝😋👌🏻 | لذيذه لذاذه ماحصلتشي 💘
بالقدر نضيف شوي زبده
وبعدين نحط عليه
فص مهروس مع أعشاب إيطاليه وزيت الزيتون
ونجلس نحرك بسرعه
ومجرّد ماتطلع ريحة الثوم مع الأعشاب نضيف دجاح صدور مبرّده مقطعه على حسب ذوقكم .
إذا صار لون الدجاج أبيض وتماسك
أضيف فلفل رومي أحمر
وبعدين أضيف عليه طماطم مقشر معصور
وأضيف البابريكا + الفلفل الأسود
وأخليه شوي يتسبّك
بعدين أضيف ماء مغلي وأوزن الملح .
بعدين أضيف الباستا بدون سلق مباشره من الكرتون
وأشوف الماء لازم تغطّي الباستا .
وأقفّل عليها الغطاء
وأخليها لين تستوي
وبعدين أضيف كريمة طبخ على حسب ذوقك تحبين تكثرين تقللين قلبي بالملعقه وشوفي كيف القوام .
نضيف أجبان مبشوره ( موزريلا ، قشقوان ، تشيدر )
وبعدين نوزع أوراق الريحان الطازج ع الوجه
ونغطّي الغطاء مره ثانيه عشان تذوب الأجبان ويطلع طعم الريحان بالباستا .
التقديم :
ضروري تنغرف بالصحن وعلى طول تآكلونها وهذا حلاتها دافيه مو تبرد وترشّون ع الوجه بارميزان وبسسس لذاذذه 😋
بالعافيه على قلوبكم مقدّماً ❤✨ .
ملاحظات
الباستا أضيفها بدون سلق وأخليها تطبخ مع الطماطم والأعشاب الايطاليه تطلع ألذ من إني أسلقها وبعدين أحركها جرّبو 👌🏻
إذا تحبون تضيفون بقدونس أو كزبره مفرومه خلوها بالأخير بعد ماتذوب الأجبان .
الريحان الطازج تحصلونه التميمي والدانوب بالثلاجه مع الورقيات مكتوب عليه basil أوراقه تشبه النعناع بس أكبر 🍃
====
باستا الدجاج بالبيستو * 😍😋👍🍜 .
حدّها عجيبه ولذيذه 😩💘
عششق الباستا لمن اكون جوعانه مره مايجي ببالي غيرها 💘💘 .
طريقتها سهله أوي ☺️😋
نسلق الباستا
بعدين نجيب تاوه ونرفع عليها النار أعلى شي
ثمن إذا صارت حاميه نحط صدور دجاج مقطعه على حسب الرغبه
ونشوحها لين تتحمر تحميره حلوه
بعدين نرش عليها ( فلفل اسود مطحون + بودرة ثوم+ ملح + بهارات ايطاليه + اوريقانو + فلفل حار مجروش )
بعدين نضيف كريمة الطبخ على حسب الكميه اللي تحبون
ونخليها تغلي شوي وتثقل شوي
بعدين نصفي الباستا ونضيفها
ونحط عليهم من صوص البيستو على حسب الرغبه 💚
بعدين جبن برميزان مبشور + جبن موزريلا مبشور
والافضل انكم تجيبون وزن ثمن تبشرونه 😋👍
واللي يحب يفرم شوي كزبره ويخلطها مع الباستا على حسب الرغبه 😋 .
واستمتعو باللذاذه 😋😍💘
====
طريقة الباستا بكريمة الزعفران
الباستا بكريمة الزعفران لذيذه نكهة الزعفران وقعت في عشقها 😍😋👍
جربوها مره لذيذه لا تفوتكم 👍 …..
_الطريقه /
صدور دجاج قطعتها شرائح وشوحتها بشوي زيت
وأضفت عليها بهارات ايطاليه + مكسيكيه حاره + ثوم بودره + رشة فلفل أسود مطحون + كزبره مطحونه
وبعدين لمن تحمرت شوي جوانب الدجاج
أضفت فلفل رومي اخضر واحمر شرائح + بصل أخضر شرائح .
وفي قدر سلقت الباستا والبروكلي مع ماء وملح فقط بدون زيت
بعدين لمن استوى البروكلي شلته
وحطيته مع حمسة الدجاج
وبعدين اضفت
( خلطة دقوس حار عندي لأني أحبه )🙊
+ ( كريمة الزعفران ) + شوي جبن سايل
وشوي (كركم وملح)
وبعدين صفّيت الباستا
وأضفتها وحركتها شوي ع النار لين تسبّكت
وبس خلصنا .
عند التقديم :
رشيت عليها شوي جبن بارميزان .
وبالعآفيه يارب على قلوبكم 😍:.
– ملاحظات /
١) كريمة الزعفران اللي يبي بديل عنها يضيف : ( كريمة طبخ + زعفران ) تعطي نفس النتيجه تقريبا ً. …
٢) الباستا أي نوع لازم تقرون ع الكرتون كم يبي له من دقيقه عشان يستوي مثلاً ١٠ دقايق ..
تجيبون القدر بعدين اذا حطيتو الماء تخلونه لين يغلي اذا بدت تغلي المويه نحط الباستا ونحسب الوقت عشان كثير اشوف بنات لمن يحطون الخلطه تنهرس الباستا لانهم خلوها تستوي اكثر من الوقت المكتوب او اقل وتصير ناشفه فحبّيت أذكّركم دايم شغلات بسيطه تفرق كثير بالنتيجه 👍😍 …
٣) بهآراتك لازم تكون لها نكهه وريحه حلوه وجديده وتحفظينها في علب وكل علبه جواته ملعقه خاصه فيه مو تكون معك ملعقه وحده وتاخذين من كل الانواع بنفس الملعقه لأن السرّ دايم وراء كل طبخه هي لمساتك بالبهارات في الأكله 😋👍 …
٤) اضافة اكثر من نوع للأجبان صح تكون لذيذه ودسمه بس لازم تقدّم الباستا وهي حاره وعلى طول راح تجمد معكم
وبألف عافيه
====
باستا في الفرن بأربعة أنواع جبنه*🍝😋
وهالطريقه فعلا ًشي خيال طعمها لذيذ خاصه للي يحب الباستا والأجبان وسهله أووووي بشوقكم شوي 😉
*الخطوة الأولى :
نسلق أي نوع باستا بعدين نصفيها وننتبه انها ماتستوي مره عشان ماتنهري في الفرن .
*الخطوة الثانيه :
نقطع الأجبان الأربعه مكعبات ونخلطها مع بعض الأجبان على حسب رغبتكم /
أنا حطيت :
موزريلا ، كرافت ، قشقوان بالأعشاب ، شيدر ،
بعدين نخليها على جنب
* الخطوة الثالثة :
نفرم فصين او ثلاث فصوص ثوم بعدين نخلط معه بيضتين
وبعدين نخلط معهم نص كاس كريمة طبخ + كاس حليب طازج
الحين نجيب المكرونه المسلوقه ونخلطها مع الخطوه الثالثه
وبعدين نضيف البهارات الإيطاليه وملح ورشة فلفل اسود وأريغانو وشوي طماطم مجففه وشوي بقدونس مفروم
بعدين نضيف الأجبان
نخلطهم بشويش بملعقة خشب
وبعدين نحطها بصينيه
ونغلفها بالقصدير ونخليها بالفرن نص ساعه من تحت
وبعدين نحمرها خفيف من فوق او بدون تحمير وبس خلصنا 😍
سهله ولذيذه لاتفوتكم 👌😋💘
وبألف ألف عافيه
====
اسبآقيتي عريضه 😋😍👌
لذيذه لذآذه أحبها أوي 😍😋👌💘
أول شي :
تسلقين الاسباقيتي بمويه وملح
وزيدي عالمده المكتوبه عالكيسه لأن في ايطاليا توكل قاسيه شوي ..!
– ثاني شي نجهز الصوص :
سخني زيت زيتون
وضيفي عليه ملعقة بهار ايطالي + طماطم مجففه قطعيها بالطول وضيفيها ورشة ملح
وبعدين جربي الطعم لان الطماطم مالحه
اتركيها ١٠ دقايق تتسبك مع التقليب باستمرار
وضيفي لها الباستا بعد ماتصفينها وعالتقديم رشة بارميزان 👌
ثالث شي :
سوي حمسة لحم مفروم على جنب للي حاب يضيف مع صوص الطماطم الحار 😋👌 تضيع علومي هنا 😩💔
وبألف عافيه على قلوبكم 😍🌹
====
فوتشيني تالياتيلي الفريدو بالروبيان
تالياتيلي 🍝 آخ شو لذيذه 😩💘😋
دايم تضيع علومي عند عالم المكرونات 🙈
بتكلم لكم عنها شوي ☺️
( تالياتيلي (Tagliatelle) هي كلمة أشتقت من الكلمة الأيطالية (tagliare) بمعنى “القَطْع” و التالياتيلي هي الباستا الكلاسيكية لإقليم إميليا رومانيا في إيطاليا. بشكل منفرد و متميز ظل هذا النوع من الباستا لمدة طويلة كأشرطة مستوية مماثلة في الشكلِ إلى ألفريدو فيتوتشني، لكن الحجم النموذجي لهذه الباستا حوالي 0.65 سنتيمتر إلى 1 سنتيمترِ (0.25 إلى 0.375 بوصة) عريضة. ) . .
صلحتها بطريقه سهله وتهبل 😋👌
– أول شي نسلق ( التالياتيلي ) بمويه وملح ماتطول يمكن ٥دقايق أو أقل
– ثاني شي نجهز الصوص /
نحط بالتاوه شوي زيت زيتون + شوي زبده
ونحمس فيه بصل + ثوم مفرومين
بعدين نضيف :
روبيان وتقدرون تضيفون قطع دجاج بس حدّي اشتهيتها مع روبيان 🍤😋
بعدين نضيف :
شوي كركم + بهارات ايطاليه + ملح + رشة فلفل أسود
واذا استوى الروبيان
نضيف كوب كريمة الطبخ ونخليها لين تغلي
بعدين نصفّي ( التالياتيلي )
ونقلبها مع الصوص بخفّه وبسرعه
ونحطها بالصحن
ونرش عليها جبن بارميزان مبشور وخلصناااا 😍
وبألف ألف عافيه على قلوبكم ❤️ .
فيه أسهل من كذا 😋👌 ؟
طبعا ًتقدرون تصلحون هالوصفه بأي نوع مكرونه بس ( التالياتيلي ) حبيتها مره لأن أشرطتها خفيفه وتستوي بسرعه 😍
====
طريقة الباستا بالدجاج والفطر
عندما تُعشق الباستا 😩😋💘🍜
هذي الأكله أنا ضعيييفه حيييل قدآمها ومعها فطر 🍄 أضييع أنا هنا مره 😭❤️
.
وطريقتها سهله أوي 😋👍:
* المقادير /
– مكرونه النوع اللي تحبين .
– دجاج صدور مقطع شرائح أو مكعبات .
– علبة فطر .
– حبتين فلفل رومي أحمر + حبة بصل أبيض كبيره .
– كريمة طبخ + حليب سايل طازج .
– جبن سايل أحب ( البوك ) .
– فلفل أسود مطحون + بهارات ايطاليه + ثوم بودره + جبن بارميزان مبشور + فلفل أحمر مطحون + ملح .
* الطريقه /
حبتين فلفل رومي أحمر أحمسهم بشوي زبده + زيت زيتون أو أي زيت نباتي + بصل أبيض مقطع مكعبات
بعدين إذا ذبلو شوي
أضيف البهارات الايطاليه ورشة فلفل أسود وملح وبودرة ثوم وم ك فلفل أحمر مطحون وملعقتين كبيره جبن سايل وكوب كريمة طبخ ونص كوب حليب طازج
واخليهم ع النار لين يسخن الخليط ويبدى يطلع منه فقاعات ثمن اطفيه واخليه يبرد شري واخلطه بالخلاط لين ينعم مره الخليط .. .
ثمن أجهز صدرين دجاج مقطعين جوانح ونحمسهم بشوي زيت مع ملح ورشة فلفل أسود وشوي بهارات ايطاليه وثوم بودره ونحط معه الفطر وبعدين نضيف الصوص ونخليه شوي يتسبك ونذوق ونشوف كيف الطعم اذا مضبوط تمام 👍
و بعدين نصفّي الباستا من موية السلق ونخلطها مع الصوص مع رشة كزبره وجبن بارميزان ونغرررق مع الطعم واللذاذه 😋😩💘 .
وبألف عافيه على قلوبكم ❤️❤️
