ورق عنب هيفاء سليمان

طريقة عمل ورق عنب هيفاء سليمان بالصور

طريقه لمحشي ورق العنب لذيذه جداً وتستخدم ايضاً لمحشي البصل والكوسه والبادنجان 🍆🍀

تنقعين ثلاث كاسات رز مصري سنو وايت لمدة ساعه

وبعدين تضعينه على النار وتحركينه مع زيت زيتون تقريبا نص كاس ومع حبتين بصل كبيره مقطعه صغار وكم فص ثوم مهروس وثلاث طماطم مقطعه صغار وحزمه بقدونس مفرومه ونص حزمه كزبره وشوي نعناع مفروم وفلفل اخضر بارد حبه وحده وفلفل حار حسب الرغبه وشوي فلفل اسود مع كمون وملح عادي وملح الليمون

وتقلبينها على النار لمده ربع ساعه

وبعدين تسكرين النار

وتحطين فوق الحشوه بياله عصير ليمون مع بياله زيت زيتون وتحركينه وتتركينه يتشرب شوي

وبعدين تلفين ورق العنب او الخضار المذكوره

ولما تلفينهم وتحشينهم وتخلصين

تجيبين قدر وتحطين في القاع شرايح بصل وطماطم وبطاطس شرايح

وبعدين ترتبون ورق العنب بطريقه محكمه

وفي النهايه قبل تولعون عليها النار

جيبو غضاره وحطو فيها نص علبه تمر هندي (او حُمَرْ )كما يسمى في الحجاز

وتذوبونه في مويه مغليه تقريبا كاس

وبعد ما يذوب يشخل ويوضع معه ملح وقليل ملح الليمونً وتقريبا عصير ليمونتين ونص بياله زيت زيتون وربع فنجال سكر

ويحرك مع بعض ويشرب فيه ورق العنب