طريقة عمل البلاليط البحريني بالصور
طريقة عمل البلاليط البحريني بالصور من مطبخ أخت مبارك
وصفة البلاليط البحرينية بالبيض من الاكلات المشهورة في المطبخ البحريني الشعبي القديم
البلاليط اكله مشهورة عندنا بالبحرين قديما وتنوكل الصبح عادتا بالريوق والعشا بالليل وهي لذيذة جدا
واتمنى ينال على ا عجابكم
ممكن احد يقول ماهي البلاليط
البلاليط هي مكرونة الشعيرية حسب طبخها الخليجي تسمى بلاليط
how to make bahraini balaleet recipe
مقادير ومكونات البلاليط البحريني :
مكونات البلاليط :
كيس بلاليط ( شعيرية سيبا) احسن ماركة عندي لعمل البلاليط هي السيبا
هيل
زعفران
ماء ورد
3 فنيال سكر
مكونات البيض :
6 بيضات
بصلة صغيره مفرومه
زيت
ملعقة صغيره فلفل اسود
شوي ملح
بزار ضروري
هيل
طريقة عمل البلاليط البحريني :
نحمص البلاليط لين تاخذ لون على نار وسط
هذي خطوة مهمه
ونحاسب لا تحترق لين يستوي شكلها كذا
بعضها محمص بني وبعضها اقل
لعمل البيض
نحمس البصل في الزيت
وبعد ما ياخذ لون خفيف
نحط الملح والهيل والفلفل الاسود ونص ملعقة صغيره بزار
ونقلبهم مدة دقيقه
بعدين نضيف عليه البيض المخفوق
ونحرك ونقلبه
وهذا شكل البيض والبصل بعد ما أستوى
ونسلق البلاليط في ماء حار
مدة دقيقتين فقط او دقيقة ونص تكفي بعد
ما نبيه يستوي لين اهم شي نثري
ونوقف عند الجدر ما نروح عنه عشان ما يعجن
لان الشيعيريه بسرعه تستوي ماتاخذ وقت
ونصفيها ونرجعها الجدر
ونحط السكر مع الهيل ملعقة صغيره وشوي زيت ونقلب
واخر شي نحط نص فنيال ماء ورد به زعفران منقوع
ونصبه عليهم ونغطيه
ونخليه على نار هادية مدة عشر دقايق فقط
يقدم البلاليط بهذه الطريقه وفوقه البيض
وبالهناء والشفاء
