طريقة تجفيف اللحم المقدد
طريقة عمل تجفيف اللحم المقدد بالصور من مطبخ أم قصي
وصفة القديد او اللحم المقدد المجفف او الخليع او التشيطار
bacon meat halal recipe arabic
مكونات ومقادير تجفيف اللحم المقدد :
لحم غنم
الملح
طريقة عمل و تجفيف اللحم المقدد :
اول شي يلزم يكون عندك لحم غنم بالكمية لي تقدري عليها
بعد ذالك تحكمي تقطعي كل طرف الى شرائط رقاق بالموس
اذا كان عندك شخص يساعدك تكملي بالموس
أما إذا كان كنت وحدك مكانش لي يساعدك قطعيه بمقص يكون خاص بالمطبخ كيما عملت أنا ***
يجي بالشكل هذا
بعدما تقطعيه تملحيه شويا بزياده
و بالطريقه هذي تخليه ليله كاملة
لغدوا من ذاك تلقايه طلق لماء من شدة الملوحه
ملاحظه:
الملح لايؤثر عليه أبدا العكس يعتبر ماده حافظه
بعد ذلك تنشريه على حبل في مكان مهوي وفيه الظل
مثل ما انتي تشوفيي فالصورة
اختي باش يصلحلك لخليع تاعك
ننصحك بعد ما تنشريه تغطيه بتيلو لتفادي الذباب والحشرات بطريقه هذي كيما تشوفي فالصورة
وكل يومين طلي عليه إذا لقيتي بلايص خصهم ملح زيديلهم و ديما تراقبيه حتى ينشف مليح
وبعد ما ينشف نحيه وحطيه في علب بلاستيكيه
حطيه من الاحسن فثلاجه
وكل ما تجي تستعمليه حاولي تغليه فلما باش تنقس نسبة الملوحه لي فيه
ومدة الصلاحية تاعو تقعد اكثر من عام
صحة وعافية♥️
