حمسه كمأة باللحم والطماطم

طريقة عمل حمسه كمأة باللحم والطماطم بالصور من وصفات الشيف بنبونة العراقية

وصفة حمسة الفقع باللحم والطماطم اكلة عراقية لذيذه من المطبخ العراقي

هالحمسه بقدر ما هي سهله بقدر ما هي لذيذه

مكونات و مقادير وطريقة عمل وتحضير حمسة الفقع باللحم والطماطم :

* نحمس بصل بشوي زيت وكركم لحد ما يذبل البصل ويبدي يشقر …

* نضيف عليه مكعبات اللحم ونقلبهم على نار عاليه حتى يتغير لونهم تماما ( استخدمت قطع اللحم الي يسوون منها تكا وقطعتها مكعبات وسط بنفس حجم تقطيع الچما )

* نضيف مكعبات الچمه ونقلبها على نار عاليه

وبس تاخذ لون حلو نضيف عليها طماطه مقطعه ونقلبها

* نحط ملح وفلفل وكركم وملعقه صغيره نومي بصره ونخلي الخليط على نار هاديه المكونات تنزل مايها وتنطبخ بيه واذا نشف الماي قبل ما يستوي اللحم نزيد ربع كوب ماي حار

* ما احب اضيف هوايه بهارات او مطيبات حتى لا يضيع طعم الچمأ الاصلي الطيب

* الطبق يكون جاهز للتقديم بمجرد ان يسوي اللحم لان الچمأ ما تاخذ وقت بالطبخ

*هوايه ناس ما يحبون اضافه اللحم لحمسه الچمه … الموضوع راجع لذوق كل واحد بكل الاحوال باللحم او من غيره الطبق طيب

* اذا ما تردون اضافه اللحم امشوا على نفس الخطوات بس الغوا فقرة اضافه اللحم

وتقدم مع الخبز او الرز وبالعافيه

صحة وعافية