مرق القيسي الطرشانة العراقية

وصفة طريقة طبخ اكلة مرق القيسي الطرشانة العراقية من وصفات مطبخ شيمو النصيري

تحبون مرگ الطرشانه (القيسي) 😍؟
اكله ملوكيه ب أمتياز 🙏🏻
اليوم طريقتي طيبه بشكل وراح تعجبكم متأكده واذا عجبكم تحفظوهه يمكم الطريقه

مكونات ومقادير عمل مرق القيسي الطرشانة العراقية :

كيلو طرشانه قيسي مشبوشه تلكوهه عند العطاريين
لحم
مكسرات (لوز مقشر وجوز وفول سوداني )
حمص مجروش
طرشانه طريه وحوامض وتين
كوب كشمش
تمر هند
هيل ودارسين
شكر

طريقة اعداد وتحضير وعمل وطبخ مرق القيسي الطرشانة العراقية :

احمس اللحم المسلوق بالزيت او السمن مع المكسرات والهيل والدارسين بعدهه اضيف الطرشانه انا غاسلتهه ومنكتعهه ربع ساعه بعدهه اضيف الحمص المجروش المنقوق ليله كامله واستمر بالحمس بعدهه اضيف الحوامض وباقي المكونات مع كوبين ماء تفطي المكونات من تبدي تتسبك اضيف مي اللحم او ماء عادي وسكر وملعقه ليمندوزي اتركهه نص ساعه على نار هادئه تتسبك كل المكونات وبس
والف عافيه على الي يجربهه

ملاحظه
البعض يحبهه لونهه احمر تكدرون تضيفون بالحمس بالبدايه ملعقتين معجون