مرق سمك بني بصراوي

مرق سمك بني بصراوي

وصفة طريقة طبخ اكلة مرق سمك بني بصراوي عراقي maraq recipes من وصفات مطبخ شيمو النصيري

ياصياد السمچ صدلي بنيه🐟 قلبي بشبك صادوه غصبن عليه عليه عليه😋😋
ياحلوين نفوت بالطبخه گبل
شلون مرگه سمج بني عماره هاي تموت غير🤤

مكونات ومقادير عمل مرق سمك بني بصراوي:

سمك بني (يسمونه بني عماره هم )
بصل مقطع مكعبات
معجون طماطه
عصير طماطه
فلفل 🌶 حار
نومي بصره
بهارات سمك وكاري
شبنت وكزبره
معجون فلفل بابريكا اختياريه هالخطوه
ملح
تمر هندي
ثوم

طريقة اعداد وتحضير وعمل وطبخ مرق سمك بني بصراوي:

اقطع السمك

واتبله بالبهار بهار السمك ( كمون ، كزبره ، فلفل اسود ،هيل ،ثوم بودره،بابريكا,كركم)

وقبل القلي قليل ارش عليه طحين وبهار رشه جدا خفيفه واقلي نص قلي بالزيت

بالزيت الي قليت بي السمك بجدريه احمس البصل والثوم

وبعدهه اضيف الشبنت والكزبره وهم احمسهم عدل

بعدهه اضيف معجون الطماطه

ومعجون الفلفل البارد ونومي بصره وفلفل حار والبهارات والملح

واحمسهم زين علما تطلع ريحه الحمس

بعدهه اضيف تمر هندي و عصير الطماطه واتركهه تتسبك عدل تقريبا عشر دقائق

بعدهه اضيف قطع السمك واضيف ماي حار يغطي السمك

واتركهم على نار وسط تقريبا ثلث ساعه كافي

وقبل لا اطفي النار بدقيقه اضيف تقريبا ٤ سن ثوم مهروس تنطي نكهه تموت

والاهم ماحرك المركه بالخاشوكه او الچفچير لا اخض الجدر او حركه خفيفه بالخاشوكه على الحواف او بين قطع السمك
جدا ضروري احمس المواد عدل حتى تطلع نكهه طيبه

جربوهه طيبه بشكل خصوصا اذا وياهه تمن عنبر وخضره ريحان وشطه 🥺🤤 وطبعا كل شخص وحسب طريقته هاي طريقتي طيبه
والف عافيه على اللي يجربهه

صور اكلة مرق سمك بني بصراوي عراقي maraq recipe

صور اكلة مرق سمك بني بصراوي عراقي maraq recipe

صور اكلة مرق سمك بني بصراوي عراقي maraq recipe

صور اكلة مرق سمك بني بصراوي عراقي maraq recipe

وصحتين وعافية

وصفات أكلات شعبية

وصفات الأكلات الشعبية القديمة والتراثية والتقليدية من المطبخ الخليجي والعربي حسب موروث المطبخ الشعبي لكل دولة ومنطقة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *