تمرة النفاس والدورة الشهرية

تمرة النفاس والدورة الشهرية

طريقة عمل تمرة النفاس والدورة الشهرية بالصور من وصفات مطبخ ملح الدنيا

best foods to eat after childbirth in arabic

جايبه لكم طريقة التمره المستخدمه لايام الدوره الشهريه والنفاس ❣️

مكونات ومقادير وطريقة عمل وتحضير تمرة النفاس والدورة الشهرية :

اولا طريقة التمره العاديه 

المقادير :

2 كاس تمر منزوع النوى
نص بيالة ماء أو حليب سائل
ملعقتين سمن أو زبده ( مو لازم ) للي مسوين رجيم
2 ملعقة رشاد

طريقتها :

نحط التمر والزبده والحليب في قدر على نار هاديه

ونقلبهم عدل لما ينعجن ويصير لين

ويكون ذايب في بعض ..

ونطفي النار

ونحط الرشاد عليه ونقلبهم

ووبس ( هذي طريقة خلطة التمر والرشاد العاديه )

اما في تمرتي للنفاس والدورة

احط فلفل اسود مطحون ورشاد حب غير مطحون وكمون مطحون وسمن وحبة البركة حب غير مطحون

وبس ونفس طريقة التمر هذي

الحين نجي للاضافات اللي وضعنها معها :

ملعقة كمون حب

+

ملعقة شمر ” حبه حلوه ” الشمر هو الحبة الحلوة
مخلوطين سوى ونطحنهم طحنه خفيفه مره .. رربع طحنه يعني
المهم يصيروون مجروشين اهم شي .. مو ناعمين !

ملعقة حبه سوداء

 نص ملعقة فلفل اسود مطحون .. حطي اول ربع ملعقه وجربيه وبعدين ( زيدي على حسب درجة تحملك )

نص ملعقة زنجبيل مطحون

نحط هالمقادير عليها ونخلطهم سووى ..

عاليمين الفلفل والزنجبيل

وبالوسط الرشاد والكمون والشمر

واليسار الحبه السوداء

عشان تكون واضحه لكم ..

نحفظهم بعلبه ونستخدمها اخر ثلاث ايام من الدوره

والمفروض التمرة تؤكل طول ال40 والدورة عشان تنظف من الدم هذا من تجربتي في الدورة والنفاس

تاكلين منها طول اليوم مع القهوه او بدون

( انا كنت اشرب معها ماء )

الافضل مع القهوة عشانها حارة راح تنظفك من الدم (( نصيحة لكم ))

هذا شكل تمرة النفاس والدورة الشهرية النهائي :

تمرة النفاس والدورة الشهرية

وانا قسمت تمرة النفاس .. 3 اقسام

عشان اتأكد اني اكلت الكميه الكافيه لكل يوم ..

ابرز فوائد تمرة النفاس والدورة الشهرية

– تنظف الرحم بشكل رهيب
– تخلص البطن من الانتفاخ
– تسكن الألم وتسهل نزولها
– تنشف الرحم بعد الدوره

انا احط التمره هذي بعلبة بلاسيتك وتكون خارج الثلاجة بغرفتي اللي انام فيها

واخذ منها كل ماحسيت بجوع

اهم شي البطن مايصير فاضي وقت نفاس او دورة عشان ما يصير شي على الحرمه

وبعدين تعالي شوفي شنو بيصير من اصوات وافرازات تخلي الوحده تندم انها ما اهتمت بنفسها زين

جربوها وراح تكتشفون فوائدها بأنفسكم

وترى خلطة التمر والرشاد للنفاس طعمها حلو ومستساغ .. انا حبيته بصراحه ^

و صحة و هنا ❤️

تمرة النفاس والدورة الشهرية

تمرة النفاس والدورة الشهرية

صحة وعافية♥️

وصفات أكلات شعبية

وصفات أكلات شعبية

وصفات الأكلات الشعبية القديمة والتراثية والتقليدية من المطبخ الخليجي والعربي حسب موروث المطبخ الشعبي لكل دولة ومنطقة

اترك تعليقاً

لن يتم نشر عنوان بريدك الإلكتروني.