خلطة التمر والرشاد للنفاس

طريقة عمل خلطة التمر والرشاد للنفاس بالصور من وصفات مطبخ ريما

best foods to eat after childbirth in arabic

بما أني على وشك ولادة وجهزت أغراض النفاس ومن ضمنها تمرة النفاس

جدتي الله يحفظها يارب بحملي الأول سوتها لي وعطتني أياها

بس حملي هذا أخذت منها الطريقه والمقادير وسويتها أنا وحبيت أفيد كل وحده

حابه تعرف طريقتها

يمكن تختلف طريقة جدتي عن طرق بعض البنات لكن هذا لايفسد للود قضيه وكلها نفس المفعول بإذن الله

بنفاسي الأول كانت أمي الله يخليها لي تجيبها لي الصباح مع حليب ومرات مع قهوة النفاس

مافي عدد معين كنت أكل من هالكور اللي أقدر عليه وكل يوم على هالحال لحد ماتخلص

نبدأ بالطريقه مع الصور

مكونات ومقادير وطريقة عمل وتحضير خلطة التمر والرشاد للنفاس :

هذي المقادير عباره عن

تمر معجون الجاهز أحنا نسميه ( عبيط ) + زبده + رشاد

نطحن الرشاد

والكميه قليله زي ما انتوا شايفين

تقريبا شريت ب5 ريال يمكن أقل من ربع كيلو

ونذوب الزبده

ونقسم التمر ناخذ نص

بس يكفينا نصه

ونحط فوقه الرشاد المطحون

ونصب عليه الزبده شوي شوي

ونبدأ نعجن ونعجن

لحد مايتماسك مثل ماهو بالصوره

وبعدين نكورها كور صغار

يطلع شكلها حلو وتفتح النفس للأكل

وكل يوم تاكلين تقريبا 7 حبات أو 6 اللي تقدرين

عليه وتطلع بهذا الشكل

هذا شكلها النهائي حطيتها بعلبه وغطيتها

وخليها بالفريزر

وكل يوم طلعي كم حبه وسخنيها بالمايكرويف

وبس بالهناء والعافيه

صحة وعافية♥️