شوربة الفطر مشاعل الطريفي
طريقة عمل شوربة الفطر مشاعل الطريفي بالصور
وصفة شوربة الفطر او المشروم 🍄 سهلة سريعة ولذيذة من مطبخي
how to make arabic mushroom soup recipe at home
مكونات ومقادير وطريقة تحضير وعمل شوربة شوربة الفطر :
أحمس راس بصل صغير وفصين ثوم مع شوي زيت زيتون وزبدة
لين يتحمرون
بعدين أضيف ملعقتين طعام طحين بر
وممكن نستبدله بطحين أبيض حسب الرغبة
وأحمس لين يتحمّر الدقيق وتطلع ريحته
وبعدين أضيف كوبين فطر طازج مقطع شرايح
وأحمس لين ما ياخذ الفطر نكهة زيت الزيتون والبصل والزبدة
وبعد ما ذبل الفطر واندمجت المكونات
أضيف تقريباً اربعة أكواب ماء حار
وممكن مرق دجاج تطلع ألذ😋👌🏼
وأضيف ملعقة صغيرة من الماجي المنزلي البودره ( طريقته هنا )
وبهار مشكل وملح
وأغطي القدر
وأتركهم من 8 الى 10 دقايق على النار
لين ما استوى المشروم
وبعد نهاية الوقت واستواء الفطر
أطحن المكونات
وارجع القدر على النار
ويصير بهذا القوام
واللي يحبها اثقل ممكن يزيد كمية الطحين
وأضيف نصف كوب جبنة برميزان
وممكن نستبدله بجبنة تشدر أو قشطة
واخلطهم وأسكر النار
وأغرف الشوربة بصحن التقديم
وأزين الوجه بخطوط من كريمة الطبخ
ومكعبات توست محمص
وعصرة ليمون يمييبيي😋😋👌🏼
وتقدم شوربة المشروم اللذيذة
طبقوها وعليكم بالعافية❤️❤️❤️
صحة وعافية♥️
