لقيمات بالخبز العربي

وصفة طريقة عمل لقيمات بالخبز العربي بالصور من مطبخ منى الحمد

اللقيمات بالخبز العربي اللبناني وسهله ومضبوطه ولذيذة وهشة ومقرمشة

مكونات ومقادير وطريقة اعداد وتحضير وعمل اللقيمات بالخبز العربي اللبناني :

حبتين خبز عربي مفرود

اضع عليهم كوب ونصف ماء دافي

وملعقتين زيت

واخلط

واضع ملعقه كبيره نشأ وملعقه صغيره خميره فوريه

واخلطهم تمام

بعدها اضيف كوب دقيق

واخلط القوام مايكون خفيف .. انتبهوا القوام شوي ثقيل

التخمير ربع ساعه بمكان دافي لاتطول

نقلي اللقيمات بزيت حار على نار هاديه مو عاليه

من نجاح اللقيمات النار حاره وتكون هاديه ابدا مو عاليه ولا هاديه جدا يبرد الزيت

طريقة تكوير اللقيمات

البعض يقول كيف اسوي لقيمات مدورة هنا طريقة تكوير اللقيمات بالملعقه ونبدأ بالتشكيل وتطلع مدورة وحجم واحد

الملعقه اللي تستخدمينها للتلقيم اذا لصق فيها العجين راح يطلع لك اشكال لذا اغسليها وارجعي غمسيها بالزيت بعد لصق عجين

وتقليب مستمر لحد ما تتحمر معك اللقيمات

التقليب المستمر يجعل اللقيمات مقرمشه وخفيفه

ونزين اللقيمات بالصوصات شيره شوكليت دبس تمر

ملاحظه :

القوام طلع خفيف ولا اضفت دقيق المره الجايه بضيف زياده يعني على حسب نوع الدقيق يحتاج او لا
ونقطه مهمه التخمير ربع ساعه لاتزيد بعدها يكون طعم الخميره باين فالطعم

وبالعافيه 💙