وصفة اندومي بالخضار لذيذة

وصفة طريقة طبخ وعمل اكلة اندومي بالخضار لذيذة من وصفات مطبخ الشيف سارة عبدالرحمن

البوست التاني من سلسله وصفات الاندومي ، وهوا الاندومي بالخضار ، لذيذ ماشاء الله متاكده بيعجبكم
الكمية حق حبتين اندومي ♥️ وكمان تقدرو تطحنو الخضار كلها مرا وحده بالخلاط ادا ماتحبو الخضار تكون باينه ♥️..

المقادير لعمل وصفة الاندومي بالخضار :

اندومي ..
بصل ..
فلفل حار (اختياري) ..
جزر مبشور..
فلفل رومي ..
معجون طماطم ..
سومطرا..
صويا صوص ..
دبس الرمان ( اختياري) ..
ليمون ..

الطريقة لعمل وصفة الاندومي بالخضار :

نحمس البصل والفلفل مع زيت شويا وبعدها نضيف الفلفل الرومي والجزر ونقلبهم كويس الين يذبلو

وبعد كدا نحط معجون طماطم

والصويا

والسومطرا

ودبس الدمان

وبهارات الاندومي كلها

ونقلبهم كويس

ونحط شويا مويا ونخليهم يتسبكو

وكدا الكشنه جاهزه♥️..

بعد كدا نسلق الاندومي بمويا مغليه بس لاتطولو عشان مايعجن بالكثير من ٢لـ٣ دقايق

وبعد كدا صفوه كويس وحطوه الاندومي ع الكشنه كع نص كوب من ماء السلق

وحطو معاه الليمون واخلطوه وقلبوه

وبكدا يكون الاندومي بالخضار جاهز

وبالعافية عليكم ♥️♥️..

وصحتين وعافية