معكرونة الطيبين باللحم المفروم
وصفة طريقة طبخ وعمل اكلة معكرونة الطيبين باللحم المفروم من وصفات مطبخ الشيف الاماراتيه خلود عتيق
معكرونة الطيبين من الوصفات الجديمه اللي كل جيل الطيبين يحبها وتعتبر وصفه العشا المثاليه حق هالجيل
دخلت المعكرونا او البستا في مجتمعاتنا الخليجيه و كالعاده سويناها على طريقتنا حمسه و نخلطها معاها🤣🤣🤣
مكونات ومقادير عمل معكرونة الطيبين :
كيس معكرونا مسلوقه (ماي+ ملح + زيت)
* 750 جرام لحم مفروم ( كيما)
* 3 حبات بصل مفروم
* 5 فصوص ثوم مفروم
* 3 حبات طماط مفروما
* 1/2 حزمة كزبر مفروم فرش
* علبه صلصه طماط( معجون)
* 1 كوب عصير طماط مركز ( اختياري)
* 2 فلفل اخضر حار ( اختياري) ولومي يابس
* 2 مكعب مرق الدياي * ملح ( حسب الرغبه)
البهارات النعيمه ( المقدارحسب الرغبه)
( فلفل اسود، كمون، كزبر ، كركم، بابريكا، بزار عربي) • 1 كوب ماي
طريقة اعداد وتحضير وعمل وطبخ معكرونة الطيبين :
* نحمس البصل مع الثوم و الفلفل الاخضر واشويه من الكزبر الفرش الين ما يتحمرون
* نحط اللحم المفروم و البهارات النعيمه و نحمسهم عدل و نحط الصلصه ( معجون الطماط) .
* نحط مقدار الماي و عصير الطماط ( في حال استخدامه ) عشان ما تحترق البهارات .
* نغطي الجدر و نخلي كل المكونات تنطبخ و تظهر ريحة المكونات.
* نضيف المعكرونا و نخلطها ويا الحمسه و نغطي الجدر و نحط تحته حديده عسب تسكر و تصخ المعكرونا
و بالعافيه.
* 🔺سؤال:
الطيبين لهم طقوس غريبه في هالاكله
حد يسويها سندويج و حد يحط عليها دقوس بو صقر و حد يحط كاتشب و حد يحط كاتشب و روب
وصحتين وألف عافية😋
