مصابيب مها الصيعري

وصفة طريقة عمل مصابيب مها الصيعري لذيذة وسهله بالصور

طرق عجينة المصابيب بطريقة مها الصيعري وهي اكثر من عجينة اختاروا اللي تحبون وصبوها بالحجم اللي تحبون

مكونات ومقادير خليط عجينة مصابيب مها الصيعري:

العجينة الاولى :

كاس دقيق اسمر
نص كاس دقيق ابيض
فنجان زيت
فنجان حليب بودره
نص فنجان سكر
ملعقه كبيره بكنج بودر
رشة ملح
بيضه
كاسين حليب مراعي

طريقة عمل العجينة :

تخلط كل مكونات العجينة في الخلاط..
ونتركه نص ساعه يخمر..
نحط الخليط في علبة الكاتشب اسهل..
بعدها نصبها ع صاج حار مدهون ب شوي زيت..
تحمر من الجهتين

ثم تقدم المصابيب ويصب عليها عسل وسمن وحبة البركه

=====

العجينة الثانية وهي مصابيب قريبه للبان كيك بدقيق ابيض :

كأسين دقيق كويتي
كأسين حليب مراعي
بيضه
ثلاث ملاعق سكر
ملعقه صغيره باكنج بودر
رشة فانيلا عشان ريحت البيض
رشة ملح
ربع كاس زيت

طريقة عمل العجينة :

تخلط جميع المقادير في الخلاط
يحمي الصاج ويمسح بقليل زيت في البدايه فقط
ويتشكل مصابيب صغيرة جدا جدا مثل اقراص صغيره
يحمر من الجهتين
وللتقديم نضع نوتيلا بالصحن الوسط

======

العجينة الثالثة مصابيب بالسمن والعسل :

كأس ونص طحين بر
نص كأس دقيق فاخر
نص كأس حليب بودره
كأسين ماء دافي
ربع كأس زيت
٢بيض
ملعقتين سكر
رشة ملح
ملعقه باكنج بودر

طريقة عمل العجينة :

جميع المقادير توضع تخلط في الخلاط
لازم يكون الخليط خفيف اخف من خليط الكيك
اذا كان الخليط ثقيل اضيفي عليه قليل ماء
نسخن الصاج وندهنه بقليل زيت المره الاولى بس
ويصبب بتساوي
ويحمر من الجهتين
ومن ثم نضيف على المصابيب العسل (والسمن حسب ذوقكم )

=======

العجينة الرابعة :

كاس بر الاصفر الي هو بر الخليج
اذا ماعندك عادي سوي البر الاسمر
نص كاس دقيق الابيض
٢بيض
ملعقتين باكنج بودر
فنجان سكر
ربع كاس زيت
ملعقه فانيلا
خمس ملاعق حليب بودره
كاس ونص ماء دافي

طريقة عمل العجينة :

تخلط جميع المقادير في الخلاط ماعادا الطحين
بعدين سوي الطحين تدريجآ وخلطيه
بعدين في الخلاط جميع المقادير لين يصير ناعم
خليها عشر دقايق
وبعدها صببوها
ويصب على المصابيب العسل والسمن