مصابيب بدون بيض وخميره

طريقة عمل مصابيب بدون بيض وخميره هيفاء سليمان بالصور

وصفة المصابيب لذيذة وسهله بدون البيض والخميره

مكونات ومقادير خليط عجينة المصابيب :

كاسين طحين بر اسمر
ملعقتين حليب مجفف بودره
ملعقه صغيره بكنغ بودر
ملعقة صغيره ملح
ملعقة صغيره فلفل اسود
ملعقة صغيره كمون
ملعقة صغيره بهارات صفراء
ملعقه كبيره سكر
ملعقة سمن بري
مويه دافيه

طريقة عمل وتحضير المصابيب :

نخلط مكونات العجينة

السمن البري يعطيها طعم لذيذ جداً لكن لا تكثرون منه لو كثرتوا طلع فيها طعم مراره

بعدين تحطون المويه

وتخلطونها لين تصير قوامها زي ما انتم شايفين مايل للسايل شوي

بعدين تحطونها في العلب حقت الكتشاب

زي ماشفتوني اسويها يكون اسهل لكم في التصبيب

وبعدين ندهن الصاج الحامي

وصببوها على النار بالحجم اللي تحبون مصابيب ميني او متوسط او كبير

واقلبوها اذا استوت

وبعدين رشوها بسمنه شوي

وحطو فوقها عسل طبيعي او دبس تمر

وتقدم المصابيب

او قدموا المصابيب بالطريقة اللي تحبون

و صحة و هنا ♥️