مراصيع بالكشنه
طريقة عمل مراصيع بالكشنه بالصور من طبخات مطبخ هيفاء سليمان
وصفة تحضير المراصيع بالكشنه من المطبخ السعودي
how to make marasie recipe homemade
مكونات ومقادير وطريقة عمل وتحضير مراصيع بالكشنه :
اول شي نعمل المراصيع في البدايه
طريقة العجينه وهي ليس لها مقياس في المقادير لكن توضع على حسب النظر مثلاً
كاسين دقيق بر يوضع معه قليل من الخميره تقريبا نص ملعقه وقليل من الكركم وقليل من الحبه السوداء
وتعجن وتترك لمده نص ساعه
وبعدين اعجنيها مره ثانيه
وكوريها كلها كوره وحده واتركيها لمده ساعه تقريباً
وبعدين قطعيها كور بقدر حجم كف اليد وافرديها واخبزيها
طريقه خبزها في وضعين
اما في التنور لكن الاغلبيه الان ماعنده تنور
او على المقرصه
(المقرصه اداة دائريه مصنوعه من الحديد )
يكون وسطها مدّبب وشكلها مثل ظهر السلحفاه تماما 😀
وبعدين تحطونها على المقرصه لين تستوي
والمرحله الثانيه تسوون كشنه
طريقة الكشنة
بصل مع فلفل بارد وتكون كميه البصل كثيره مره
ويوضع معه حبه طماطم واحده
وتكشن بزيت مع بهارات صفرا
ويذوب سمن لوحده
لتشريب المراصيع بالكشنه
نحط في قاع الحافظة قليل من الكشنة
تحطون مرصاع وفوقها كشنه وقليل سمنه
وتكرر العمليه كذا طبقه
المراصيع لذيذه جداً في الشتاء والبعض يشربه مع شاي او حليب بزنجبيل
صحة وعافية❤️♥️
