عصيده لذيذه ومفيدة للدورة الشهرية والنفاس

طريقة عمل عصيده لذيذه ومفيدة للدورة الشهرية والنفاس بالصور من مطبخ صغيرونه حنونه

وصفة اكلة عصيدة مفيدة وقت الدورة الشهرية وفترة النفاس بعد الولادة لذيذه وسهله

العصيده اللي باقدمها لكم تفيد المتزوجه والبنت بوقت الدوره الشهريه كذلك النفاس لأنها تقوي الجسم تنظف الجسم من السموم وتخفف الاوجاع والالام وتشد وتعالج الارحام دلتني عليها وحده كويتيه رفع الله من شانها .. وحبيت افيدكم مثل ما استفدت..

تقدرين تسوين عصيدة كميه حق اسبوع وتقعد بثلاجتك بس سخني وكلي بالعافيه نفس الطعم ما يتغير..

العصيدة طعمها حلو وحتى الصغار ياكلوها ويحبوها ولأنها حاليه فيها تمر وفيها عسل

foods to eat after birth & menstruation

مكونات ومقادير عصيدة الدورة الشهرية والنفاس :

كاس دقيق بر اسمر
كاس حليب سائل أو ( ثلاث ملاعق حليب بودره مذابه في الماء )
سبع حبات تمر منزوع النوى
حوايج أعشاب وبهارات ملعقه صغيره كل نوع من ( زنجبيل – قرفه – رشاد – فلفل ابيض – حلبه – حبة البركه – كمون – فلفل اسود )
رشة ملح

طريقة عمل وتحضير عصيدة الدورة الشهرية والنفاس :

نغلي الحليب

ونضيف معاه التمر الى ان يذوب

ونضيف بعدها الحوايج او البهارات

ونترك المكونات تغلي مع بعض وتنطبخ حوالي 10 دقائق

ثم نضيف كوب الدقيق البر

وبعد ما تضيفي الطحين

نخلطه بالمضرب بسرعه ليتجانس الحليب والدقيق

بعدها نزلي القدر من على النار

واعصديه بملعقه خشبيه

واعصديه صح وتكون متماسكه وبدون كتل حوالي 5 دقايق

وبعدها نرجع القدر على النار

وخليه على نار هادئة حوالي عشرين دقيقه

مع التحريك والتغصيد بين حين واخر

وبعدها خلاص طفي النار

ندهن الصحن بالسـمن

ونحضر صحن ثاني ونحط فيه كمية العصيدة اللي راح ناكلها

ونقلب العصيدة في الصحن

ونصب العسل الطبيعي في الصحن يحيط بالعصيدة

واول لقمه من العصيدة .. بسم الله

وفي الختام الحمدلله وصل اللهم على نبينا وحبيبنا محمد وعلى آله وصحبه أجمعين الى يوم الدين..

وصحة وعافية