طريقة عمل الأرز هيفاء سليمان
طريقة عمل الأرز هيفاء سليمان بالصور
وصفات طبخ الرز بطريقة هيفاء سليمان
وصفة كبسة الروبيان السعودية
وصفة الرز بالفول الأخضر
وصفة الرز البخاري
وصفة الرز المقلي بالخضار
وصفة الرز البرياني بالدجاج
وصفة الرز المقلي بالربيان
how to make easy arabic rice recipe ideas homemade
وصفة كبسة الروبيان السعودية او الرز بالروبيان
كبسه روبيان بالارز على طريقتي
طريقة عمل وتحضير كبسة الروبيان :
نقطع
بصل صغار / ثوم / زنجبيل / كزبره / شبت/ بهارات حسب الرغبه أنا حطيت فلفل اسود كمون بهارات صفراء/ معجون طماطم / فلفل أخضر بارد مقطع صغار وجمبري الكميه حسب الرغبه
الطريقه
نكشن البصل في زيت زيتون لين يتشقر
نضيف عليه الثوم والزنجبيل والفلفل الاخضر البارد
ونحركه مع بعض
ونحط البهارات والملح ومعجون الطماط لين يتسبك
وبعدها نضيف الكزبره والشبت
ونحركهم لين تذوب كلها مع بعض
وبعدها نضيف الجمبري ونقلبه لين يتسبك مع بعض
تقريباً عشر دقايق بدون إضافه ماء
وبعدها نضع الرز
يكون مسلوق نص استواء لوحده بزيت وملح فقط
واذا صار نص استواء نسكر النار ونشخله من باقي المويه
وبعدها نضيفه على الجمبري
ونضيف عليه مويه لين يتغطى فقط
عشان ما يكون الرز بعدين متلبد حلو يكون نثري
وبعدين نقصر عليه النار ونحط قصديره ونتركه تقريباً نص ساعه
وبالعافيه
===
وصفة الرز بالفول الأخضر
طريقة عمل وتحضير الرز بالفول الأخضر :
نحمس بصل مع ثوم في زيت وزبده ويكون مقطع صغار
اذا تشقر البصل نضيف عليه الفول
ونضيف عليه فلفل اسود وكمون وشويه هيل مطحون وملح
(شبت او بصل أخضر اختياري)
وبعدها نضيف الرز بسمتي ويكون مغسول ومنقع لمده عشر دقايق
نقلبهم مع بعض
وبعدها اضيف مويه مغليه
واذا قرّب يشرب الرز نقصّر عليه النار
ونخليه يستوي على نار هاديه
وبعد مايستوي نضيف عند التقديم فوقه مكسرات محمصه صنوبر وكاجو وزبيب
وبالعافيه
===
وصفة الرز البخاري
طريقة عمل وتحضير الرز البخاري :
نقطع دجاج انصاف
ونكشنها مع بصل
ونحط عليها بهارات بخاري مع بابريكا وبهارات صفراء وملح
ونخليها شوي تتشوح
وبعدين نحط عليها صلصه وطماطم مهروسه وجزر وفلفل اخضر حار مبشور
ونخليها تتسبك خمس دقايق
ونزيد عليها مويه ونتركها نص ساعه تستوي
وبعدها نشيل الدجاج وندخله الفرن يتحمر
ونحط الرز على المويه
ونتركه لين يستوي
الحشوه تبع الرز
بصل مكشن في زيت وزبده وجزر مبشور وزركش او زبيب مع البهارات الي تفضلونها
وبالعافيه
===
وصفة الرز المقلي بالخضار
طريقة عمل وتحضير الرز المقلي بالخضار :
نقطع بصل مكعبات صغيره
ونكشنها وبعدين نضيف
/الجزر /فلفل بارد ملون
كلها مقطعه مربعات صغيره
وبعدين نضيف عليه شوي ملح وسكر وفلفل اسىود وكمون
ونقلبهم تقريباً خمس دقايق على نار عاليه
وبعدها نضيف ذره تقريباً كاس (أفضّل ذره قودي اللي في علب )
وبعدين نظيف الرز يكون بشاور مسلوق في مويه وزيت وملح
وبعدها نقلبهم سريع
ونضيف بصل أخضر مقطع ونسكر النار
وبالعافيه على قلوبكم
ملاحظه
الطبخه كلها ما تاخذ نص ساعه والي حاب يضيف دجاج يقدر يحطه قطع صغيره مع الرز اول التكشين وكملو الباقي على نفس الطريقه♥️
===
وصفة الرز البرياني بالدجاج
طريقة عمل وتحضير الرز البرياني بالدجاج :
أول حاجه نقطع الدجاجه الى ثمان قطع ونشيل الجلد ونغسلها زين بالخل والملح
نحط شويه زيت مع بهار عدل
/ورق غار /فلفل أسود /قرنفل
بعدين نحط مكعب ماجي وفلفل اخضر حار مقطع وزنجبيل مبشور وبصل مقطع وثوم
ونقلبهم لين يذوب
وبعدها قطع الدجاج ونشوح على النار
بعدين نحط على الدجاج
(بهارات برياني /كزبره مطحونه /فلفل احمر مطحون / كاري /كمون )
ونشوحها شويه
وبعدين نحط فوقه زبادي ونخليه على نار قريبه للهاديه
بعدين ناخذ قدر ونحط فيه زيت
وبهارات عدله ورق غار /فلفل اسود /قرفه /قرنفل
ونسلق الرز
اذا سلقنا الرز نص سلق نسكر عنه النار ونصفيه من المويه اذا باقي مويه فيه
بعدين نجيب قدر
ونحط فيه ربع اصبع زبده نذوبها
ونحط نص كميه الرز وفوقه خلطه الدجاج
والنص الثاني من الرز نحطه في الاخير
ونخليه على نار هاديه
ونرش عليه زعفران ونحط فوقه صنوبر محمر وبالعافيه
ملاحظه
فيه اضافات للرز البرياني مثل الكزبره الخضراء او الشبت …او مويه الورد كل هذي اختياريه
ونقدمه في صحن جنبه سلطه زبادي
عوافي عليكم ياحلوين ♥️
===
وصفة الرز المقلي بالربيان
طريقة عمل وتحضير الرز المقلي بالربيان :
الرز المقلي بالربيان مررره سهل صح مكوناته كثيره لكن سهل جداً
أول شي ناخذ الجمبري يكون حجم صغير اوحجم كبير ونقسمه نصين
نتبله ببابريكا وفلفل اسود وكمون وملح
وبعد مانتبله مضبوط
نحط عليه بيضه مخفوقه ونخلطه مع بعض
وبعدين نغمسه في دقيق لين يتغلف تماما بالدقيق
ونشيله ونتركه على جنب
ناخذ قلايه ونحط فيها زيت ونشوح ثوم مقطع حلقات
لين مايطلع لونه اشقر ونطلعه من الزيت
وفي نفس الزيت ننزل الجمبري ونقلبه تقريباً دقيقتين على نار عاليه
بعدها نطلعه على ورق لين ينشف من الزيت
ناخذ رز بسمتي يكون مغسول ومنقع لمده نص ساعه في مويه وملح
نسلقه في مويه حاره وزيت ونخليه على نار عاليه مانقصر عليه النار لمده خمس او ٧دقايق
مانكثر المويه عليه عشان مايتلبّد
الخطوه الثالثه
نحط زيت جديد في قلايه كبيره ونشوح
زنجبيل /فلفل بارد /فلفل حار
وتكون الخضار مقطعه بشكل طولي
ونحط معهم الثوم الي حمرناه قبل
نشوحهم على النار مضبوط
وبعدين نحط فوقهم الجمبري
ونصب صويا صوص وممكن صلصه سويت أند سور هذا اختياري أو اندوفود
بعدها نضيف الرز فوق الخلطه
ونخلطه زين لحد ما تتجانس المكونات مع بعض
ويصير لون الرز واحد يعني مايكون فيه لون فاتح ولون غامق
وبعدها نزينه بالبصل الاخضر أو اي اضافات تحبونها
وبالعافيه ♥️♥️
===
صحة وعافية❤️♥️
