طريقة الجمريه الحايليه
طريقة عمل الجمرية الحايليه بالصور غلا الشمري
freek saudi arabia recipe in arabic
وصفة اكلة جمرية بالبصل الحايليه بطريقة سهلة و لذيذه
عشانا جمريه وهي اكله شعبيه حائليه
وحنا في حائل نسميه جمريه او المبصله وفي المناطق الثانيه يسمونها المفروكة السعودية او المفروك بالبصل او قرص مفروك
مقادير و مكونات عمل الجمرية الحايليه:
مكونات عجينة الجمريه :
ثلاث اكواب طحين ( حسب الكميه اللي تبين مو شرط 3 )
نصف كوب زيت
ملعقة ملح
ماء للعجن
مكونات كشنة الجمرية :
3 ملاعق سمن
بصل مقطع صغير
جزر مبشور ( اختياري )
بقدونس مقطع
فلفل رومي
بصل اخضر ( اختياري )
طريقة اعداد وتحضير وعمل الجمرية الحايليه :
لعمل خبزة الجمرية
افرك الدقيق بالزيت ونفرك لين يتشرب الدقيق الزيت
بعده اصب الماء والملح
واعجنها لين يصير القوام زين ومتماسك
واجيب صينيه مدهونه للفرن
واحط العجينة واشقرها بالفرن من فوق وتحت
بعدها تقطعينها صغير وحطيه بالخلاط واخلطيه شوي بس
لعمل الكشنه
نحمس البصل والفلفل الرومي والجزر اذا تحبين مع السمن
واذا ذبلو نحط البقدونس وعيدان البصل الاخضر
اقليهم مع بعضهم بشكل طيب
وبعدها احط الجمريه اللي فرمناها مع رشة فلفل اسود
واحركهم واخلطهم وتصير الجمريه جاهزه
اذا تحبين تغيرين شوي ممكن تخلين الفرم للجمريه وسط او باليد ويصير قطع كبيرة زي ما سويتها كذا
وان شاء الله تكون الجمريه او القرص المفروك الحائلي يعجبكم وتطبقونه
وبالهناء والعافية على قلوبكم
