طريقة عمل حنيني حائل
طريقة عمل حنيني حائل بالصور من مطبخ غلا الشمري
hanini saudi arabia recipe in arabic
وصفة اكلة الحنيني الحايلي سهل و لذيذ
حنيني حائل عباره عن جمرية قرص مفروك بالدبس والتمر نسميه في حايل حنيني لذيذ جدا
مقادير و مكونات عمل حنيني حائل :
تمر معبوط او مطحون او معفوس زي ما تسمونه
دبس تمر
مكونات عجينة الخبز :
ثلاث اكواب طحين ( نقصي زودي حسب كميتك اللي تبين)
ملعقة صغيرة خميرة
ربع كوب زيت
ملعقة صغيرة ملح
ماء للعجن
طريقة اعداد وتحضير وعمل حنيني حائل :
لعمل خبزة الحنيني
افرك الدقيق بالزيت ونفرك لين يتشرب الدقيق الزيت
بعده اصب الماء والملح والخميره
واعجنها لين يصير القوام زين ومتماسك
واخليها تتخمر ساعه
واجيب صينيه مدهونه للفرن
واحط العجينة واخبزها بالفرن من فوق وتحت
بعدها تقطعينها صغير
وحطيه بالخلاط وحطي معها التمر المعبوط
وقليل من الدبس واخلطيه
وحطي الحنيني بطبق
وحطي معاه طبق دبس
ويقدم الحنيني الحائلي بالعافيه
وان شاء الله حنيني حائل يعجبكم وتطبقونه
وبالهناء والعافية على قلوبكم
