رز وسمك لذيذ

how to make rice recipe in arabic
وصفة طريقة عمل رز وسمك بالبيت سهل وسريع ولذيذ بالصور من وصفات وعمل مطبخ إيمان

المكونات والمقادير والطريقة لعمل الرز والسمك :

لعمل الأرز :
كاسة رز قصير الحبة مع كاسة رز طويل الحبة ننقعهن 5 دقائق ونغسلهن ونصفيهن ونحطهن بطنجرة مع زيت أبيض ومعلقة ملح ومعلقة بهارات كبسة نغمرهن بالماء الساخن وبس غليو منوطي النار تحتهم ليستوو.

لعمل قطع السمك :
بتبلهون بعصير ليمونة ومعلقة صغيرة ملح وسنين توم مبشورين ودبس فليفلة وبهارات مشكلة ( فلفل ، هيل ، قرفة ، زنجبيل ، سبع بهارات ) وزيت أبيض
وبحطهن بالفرن ع حرارة 200 مع كم قرن فليفلة شغلة تلت ساعة ليستوو واخر شي بشويهن ..

لعمل الطرطور :
150 غ لبن رايب مع 3 معالق كبار طحينة وسن توم مبشور وعصير نص ليمونة ورشة ملح وبقدونس مفروم ناعم بخلط المكونات وع صحن التقديم مع السمك والأرز

لعمل شوربة الخضار :
حبتين جرر كبار، حبتين بطاطا، بصلة، 2 سن توم ، كوسا ( اختياري ) ، كاسة بازاليا ، و2 م ك شعيرية ، كزبرة خضرا

بنفرم الجزر وبنحطو ع النار مع شوية مي وبنغطيه شي 5 د ، بعدها بفرم باقي المكونات ( بطاطا كوسا بصل توم ) وبحطهن فوق الجزر مع كاسة مي وبتركهن شي عشر دقايق ع نار وسط ليستوو ، بعدين بضيف البازاليا مع ليتر ماء وبس بلشو يغلو بزبط ملحها وبحط الشعيرية فوقها وبتركها تغلي ع نار عالية شي عشر دقايق وآخر شي بطفي النار وبضيف الكزبرة الخضرا .. وع صحن التقديم بضيفلو عصير ليمون

وصحة وهنا

بألف عافية 💕