بصل محشي لذيذ
طريقة عمل بصل محشي لذيذ بالصور من مطبخ عبير العميرة
وصفة أكلة بصل محشي 😩💘😘
الصراحه مآ تخيلته بهاللذآذه شي شي يهبل لأبعد حد وشكلي رآح أطيح فيه طيحتن قشرآ 😂
فيه بنات يسألوني يستاهل التجربه محشي البصل !؟ أنا حبيته الصراحه خطير ولذيذ وأسهل المحاشي بالنسبه لي ومرتب 😍
جرّبوه بس اذا تبون تستمتعون فيه صح لازم تكون الحشوه مضبوطه👌 يعني من حمس البصل والبهارات والملح موزون تمام ومتأكده راح تدمنونه 😋😘😍👌
mahshi arabic recipe
مكونات ومقادير وطريقة عمل وتحضير بصل محشي لذيذ :
بصل تقطعينه من فوق ومن تحت
وتشيلين قشرته
وتسلقينه تقريبا ًربع الى ثلث ساعه .
وتصفينه من المويه وتخلينه على جنب لين يبرد
وبعد ما يبرد البصل نقطع البصل بالسكين من الجنب للنص
يعني إلى أن نوصل لمركز الوسط
راح تتفتح البصلة إلى شرآئح بالطول
بعدين نحشي كل شريحة
*الحين نجي نجهّز الحشوه
٤طماطم مقطع صغير أو مفروم + حبة بصل كبيره مقطعه مره ناعم + ٤-٥ فصوص ثوم مفرومه + قبضة بقدونس مفرومه + كزبره مفرومه + شوي نعناع مفروم + بهارات مشكله مطحونه ، ملح ، فلفل اسود ، فلفل أحمر حار ( حسب الرغبه ) + كوبين رز مصري .
نحمس البصل مع الثوم بشوي زبده مع زيت
وبعدين نضيف الطماطم
بعدين نضيف الرز ونضيف البهارات والملح
ونصب عليها تقريبا كاس مويه
ونقصر عليها النار لين يتشرب الرز المويه
وبعدين نطفي النار
ونخلط معه البقدونس والكزبره والنعناع . .
الحين نجيب صينية بايركس الكبيره
ونصف فيها شرائح بطاطس
وبعدين نبدى نحشي البصل
ونصفه جنب بعض بالصينيه .
.
* إذا خلصنا نصب عليه التسقيه عباره عن /
كوبين مويه + ملح + نص كاس ليمون على حسب الرغبه اذا تحبون حامض او عادي + ملعقه كبيره دبس الرمان + بيالة زيت زيتون + شوي صلصه طماطم + أي نكهة تفضلونها أنا أحب أضيف بهارات ايطاليه وشوي فلفل حار ☺️ .
وبس تصبونها فوق البصل لين تغطي البصل
وتقصدرون الصينيه وع الفرن تجلس تقريبا ًساعه ونص .
يكون الفرن حار
وبعدين اذا دخلتو الصينيه خلوه على نار وسط .
وبعدين اذا استوى نخليه لين يفتر
ويقدّم وبألف عافيه على قلوبكم 😘❤️ .
* ملاحظه :
مع التسقيه تقدرون تحطون تمر هندي بس ماكان عندي يعطي طعم لذيذ 👍 . .
وخلصنا … جرّبوه مره تدمنونه مرآت 😚😉 .
صحة وعافية ♥️
