الكمونية الجزائرية
طريقة طبخ وعمل اكلة الكمونية الجزائرية بدوارة الدجاج لذيذه من وصفات وعمل مطبخ اماني الجزائرية
وصفة الكمونية عبارة عن دوارة تاع الدجاج
مكونات ومقادير وطريقة عمل الكمونية الجزائرية:
نغسل دوارة تاع الدجاج مليح بشوي خل ونقصو الكرشات هوما اللوين
نحطوهم في مقلة غامقة القاع ونقليوهم مليح مليح بدون أي إضافات حتى يأخذو اللون ذهبي
من بعد نضيف عليهم الكبدة مقطعة طراف صغار ونقليها معاهم حتى طيب الكبدة زيت منضيفوهش نهائي لأنو الكرشات فيهم ليدام ويمد بنة هااايلة
ثم نضيف الملح كمون مرحي كسبر مرحي فلفل أسود وثوم مرابية وشوي هريسة ومعجون طماطم
ونقليهم شوي برك مع كبدات والكرشات ونمرق بكاس كبير ماء وهي تهز الغلية نقص النار ونخليها تتجمر على راحتها كي تخثار نطفيو ونضيفو دبشة
وشهية طيبة صح غداكم حبيباتي.
