مقشوش حايل ورد تميم
طريقة عمل مقشوش حايل بالصور من مطبخ ورد تميم
وصفة مقشوش حائل اكلة شعبية من المطبخ السعودي الشعبي
المقشوش الحايلي اعتبره بديل اللقيمات وطريقته بالفرن
ويتكون من الدقيق الابيض والبر يعني صحي ومن غير زيت
أكلة المقشوش من مدينة حائل وتنسب لقبيلة تميم
المكونات و المقادير لعمل مقشوش حايل :
كاس ونص دقيق بر
كاس ونص دقيق ابيض
3كاس لبن ممكن ازيد اذا احتاج الامر
2بيضه
2ملعقة ص خميره فوريه
2ملعقه ص بكنج بودر
رشة ملح
وملعقه ك سكر
طريقة عمل مقشوش حايل :
اكسر البيض واحط السكر
وهنا حطيت الملح والخميره والبكنج بودر
ونخلطه حتى تتجانس سويا
هنا انتهيت بخلط البيض مع المواد الجافه
الحين اصب اللبن كله
واخلط جيدا
الحين بديت اضع الدقيق بالتدريج
وخلطت المكونات
شوفن ثقل الخليط اثقل من اللقيمات شوي
اذا حسيتيه ثقيل زيدي لبن
واذا لاحظتي انه خفيف مره زيدي دقيق ابيض فقط
اتمنى المعلومه وصلت
وكل ما عجنتي الخليط طلع روعه
اغطي العجينة تتخمر وترتاح 3ساعات
هي تخمر بساعه
بس احب أخليها اكثر علشان يطلع طعم اللبن فيه حموضه
وذي ميزة المقشوش
هنا شكل العجينه
شلت بالملعقه علشان تشوفون الثقل
هنا جهزت كاس ماء وملعقه بلاستيك من باسكن روبنز
سخنت صاج تيفال خاص بالمراصيع والخبز
وحميته وخليته على نار متوسطه فوق الفرن
وبديت اسوي المقشوش زي طريقه اللقيمات بالملعقة فوق الصاج
ولما تحمر المقشوش من تحت و انتبهن يحترق
نكون مولعين الفرن من بدري علشان ندخلها الفرن وتتحمر على طول وماتقسى
وهنا طلعت المقشوش من الفرن
وعلى طول احط المقشوش بحافظه واكتمه حتى تخلص الكميه
ولما خلص المقدار كله صبيت شيرة وقليل من الزبده المقشوده على المقشوش
واللي عندها سمن بري تحط
يطلع شي بس لاتكثرين سمن اوزبده بس شوي
والشيره لاتصير خفيفه وسط تكون
المقشوش تقدرون تفرزنونه بالفريزر بس بدون شيره وسمن اوزبده
وعند الاستعمال يسخن المقشوش بفرن حار
وبالعافيه على اللي كلوه واللي بيسونها ابدا مب صعبه
وبالعافية
