معدس بطاط كويتي

طريقة عمل معدس بطاط كويتي بالصور من مطبخ يوميات فرفر

وصفة معدس بطاط كويتي 😋 لذيذ وسهل وسريع

المعدس من احلى الاكلات الشتويه من المطبخ الكويتي الشعبي القديم

how to make kuwaiti lentil and rice recipe in arabic

مكونات و مقادير معدس بطاط كويتي :

بصله مقطعه
طماطه مقطعه
قفشة كبيرة ثوم وزنجبيل
بطاطه مقطعه
مكعب ماجي
شوية معجون طماط
كوب عيش مغسول ومنقوع ربع ساعه ( رز )
نص كوب عدس مغسول ومنقوع ربع ساعة ( كمية العدس نص كمية الرز )
البهارات ( كركم، كاري، بهارات مشكلة ، ملح)

طريقة عمل وتحضير معدس بطاط كويتي :

نحمس البصل مع الزيت

ثم نضيف الثوم والزنجبيل

ونحمس

وعقب نحط الطماط

ونحمسه

ونضيف الماجي

والمعجون

ونحمسه عدل

ونضيف البهارات والبطاطس

والماء الحار والملح

ونخلي البطاط يطبخ شوي عشان يستوي

ربع ساعه تقريبا

وعقب نضع الرز والعدس

ونزيد الماي اذا ناقص

ونعلي عالنار بالبداية

ولما ينشف نقصر عليه وبس

وبعدها نقدم المعدس بالبطاطس

الذ شي تاكلون المعدس مع الروب

صحة وعافية ♥️