مطبق هامور كويتي
طريقة عمل مطبق هامور كويتي بالصور من مطبخ يوميات فرفر
وصفة مطبق سمك هامور سهل وسريع ولذيذ 🐟 من المطبخ الكويتي الشعبي القديم
how to make kuwaiti mutabbaq samak recipe in arabic
مكونات و مقادير وطريقة عمل وتحضير مطبق هامور كويتي :
اول شي ننظف السمج عدل
ونغسله ونقصه ٣ اجزاء او جزئين كيفكم
ونبهر السمك بملح وفلفل اسود ولومي اسود وكركم وكزبره
من داخل ومن بره
ونقليه بالزيت
ونحتفظ بشويه من زيت القلي مال السمج
وبجدر نحمس بصل مع سمنة وشويه من زيت القلي الي استخدمناه
واذا ذبل البصل
نضيف بهارات عدله
( هيل ، مسمار، دارسين ، ورق غار ، لومي ،ثوم عدل )
ونحمسه عدل
وبعدين نضيف الفلفل البارد
ونحمسه
وعقب نضيف الطماط مقطع مكعبات صغار
ونحمسه عدل
ونضيف البهارات المطحونه
شويه بهارات سمج، كمون، كزبره، كركم ، فلفل اسود
ونحمسه عدل
ونضيف شويه شبنت وكزبره فرش
ونحمسه
ونضيف السمج وماء مغلي
ونخليه يطبخ ٥ دقايق جذي
وعقب نحط العيش المغسول والمنقوع
وفلفل علوب وملح طبعا حسب الرغبه
ونخليه يطبخ على نار عالية بالبدايه
ولما ينشف الماي نقصر عليه لما يستوي
ياخذ تقريبا ٢٠ دقيقه
لعمل حشو السمج فوق الرز :
نحمس بصله من غير شي
ولما يصير لونها ذهبي نضيف لها شويه ماي ونحمس
وعقب نحط شويه سمنه وانا حطيت شويه من زيت القلي
وبهارات القصار مالت الحشو
وهيل مطحون، فلفل اسود
ونحمسه وبس نحطه عالعيش
ونقدم مطبق سمك الهامور
صحة وعافية ♥️
