مرق كبه حامض شلغم العراقيه

مرق كبه حامض شلغم العراقيه

وصفة طريقة طبخ مرق كبه حامض شلغم العراقيه maraq recipes من وصفات مطبخ شيمو النصيري

مرق كبه حامض شلغم طبق عراقي شتوي لذيذ وطعمه مميز 👌

مكونات ومقادير وتحضير مرق كبه حامض شلغم العراقيه :

بالبدايه احمس بصل بالزيت واضيف نصف باكه شبنت مثروم واحمسه

بعدهه اضيف ملعقه من بهارات صحيحه الي هيه هيلايه وكزبره وفلفل اسود وملح تعطي طعم مميز

واحمس شويه البهارات بعدهه اضيف ملعقه كاري واحمس 🤗

بعدهه اضيف تقريبا كوبين او ٣ سلق مثروم مع العنق اطيب

وهم احمس المكونات حتى يذبل السلق وينحمس

واضيف بعدهه قطع الشلغم اذا يعجبكم تقطعوهه ناعم او كبار بكيفكم وهم احمسهه شوي

بعدهه اضيف معجون طماطه او عصير طماطه حسب الرغبه

الكبه الاصليه تكون صفره او ابيض ف انتو اذا يعجبكم تضيفون طماطه او لا راجعه الكم الطريقتين طيبه

بعدهه اضيف نصف كوب تمن عنبر منقوع اكسره قبل لا اضيف

اضيف مي واترك المكونات تغلي مده ربع ساعه على نار عاليه وانتبهو كلما تثخن ضيفو مي حتى لا تحترق

بعدهه اضيف اقراص الكبه واتركهه عشر دقائق او ربع ساعه تستوي وتتسبك وهاهيه

عند التقديم اذا يعجبكم تعصرون ليمون عليهه وجربوهه طيبه بشكل
والف عافيه مقدما

صور اكلة مرق كبه حامض شلغم العراقيه

صور اكلة مرق كبه حامض شلغم العراقيه

وصحتين وعافية

وصفات أكلات شعبية

وصفات أكلات شعبية

وصفات الأكلات الشعبية القديمة والتراثية والتقليدية من المطبخ الخليجي والعربي حسب موروث المطبخ الشعبي لكل دولة ومنطقة

اترك تعليقاً

لن يتم نشر عنوان بريدك الإلكتروني.