مرقوق بالدجاج طعمه يهبل

طريقة عمل مرقوق بالدجاج طعمه يهبل بالصور من مطبخ ام بيان المبارك

وصفة مرقوق بالدجاج طعمه يهبل لذيذة و سهلة وسريعة

المرقوق اكلة تدفيكم بهالبرد والاكلة شعبية

الطبخة مرقوق وطعمه خيال وراح اعطيكم ثلاث وصفات وصفة بطريقة امي ووصفة سبايسي حار ووصفه مرقوق غير

طبعا كل له طريقته في عمل المرقوق وعلى فكره ترى المرقوق اخو المطازيز لكن المرقوق فرد العجين اكبر والمطازيز اصغر , والمرقوق لايزم يرق طازج بينما المطازيز ممكن عملها من قبل وتنشيفها او فرزنتها لكن حنا من النوع اللي طازج في طازج ونفرزن في اضيق الحدود ونستخدم القرصان الجاهز بعض المرات في المرقوق

how to make margoog recipe in arabic

الوصفة الاولى

مرقوق بالدجاج طعمه يهبل

مقادير المرقوق :

اول شي نحضر قطع لحم او قطع دجاج بدون جلد
قرصان لين ( مسلوب ) جاهز يوجد عند محل القرصان ..
بصل مفروم
طماطم مطحونة مع فلفل رومي

خضار مشكلة :
( كوسة – باذنجان – جزر – قرع اصفر )
بهارات مشكلة – فلفل اسود – كاري – كركم
ماجي او ملح
قرفة وليمون اسود عدل

الطريقة :

نحمس البصل بزيت غزير نوعا ما

وبعد ان يشقر يوضع عليه البهارات

ويحرك جيدا

ميزة البهارات مع الحمس تكون النكهة قوية وثابته وتعطي تطعم ونكهة لذيذة بالاكل افضل بكثير

بعد كذا نضع قطع اللحم او الدجاج ونحرك

ثم الطماطم المطحونة ثم الصلصة

ونتركهم ع نار خفيفة لحد ما تتسبك

بعد كذا نسكب الماء عليهم لحد ثلاث ارباع القدر

لان اللحم يحتاج لماء كثير اثناء الطبخ

وبعد ان ينضج اللحم او الدجاج نصف استواء

نضع الخضار والماجي والملح

( على فكرة في بداية طبخ اللحم لانضع الملح او الماجي عليه لانه ماراح يستوي بالراحة وراح يكون قاسي ) ..

المهم بعد 10 دقائق

نقطع قرص القرصان الى قطع متساوية مثلا بحجم اليد

ونضع قطع القرصان قطعة قطعة على مرقة اللحم والخضار

ويجب ان تكون كمية ماء المرقة كثيرة لان القرصان يتشرب الماء بسرعة

المهم نحرك لكي لاتلتصق القطع على بعضها

وكمية القرصان على حسب افراد الاسرة

انا اضع ثلاث اقراص من القرصان واقطعها والكمية تكفي لعائلتي ..

المهم بعد انتهاء القطع

نتركها ع النار الى ان ينشف الماء قليلا

يعني لازم يكون القرصان فيه كمية ماء وما يكون ناشف

لانه ماراح يكون مرغوب وبيكون متعجن على بعضه وشكله غير محبب

فلازم يكون فيه ماء مثل ماقلت ..

المهم بعد ما ينشف قليلا

نوطي ع النار خفيف ونخليه نصف ساعة او اكثر او اقل على حسب

يعني اهم شي يكون استوى صح

بعد كذا نغرف المرقوق بصحن

ونجمله بالكشنة الحمراء المحموسة بالزبدة والمبهرة

ونقدم المرقوق اللذيذ

واستمتعوا بأطعم مرقوق على الاطلاق

وبالهناء والعافية يا رب

==

الوصفة الثانية

مرقوق سبايسي حار لكن الطعم خيال

المرقوق الحار السبايسي طعمه يهبل واللي ماتبي الحار تقدر تستغني عنه عادي

المقادير والطريقة لعمل المرقوق السبايسي

نضع البصل المتوسط الحجم والمفروم في القدر

ونحمسه مع قليل من الزيت الى ان يشقر

ونضع عليه قطع اللحم ونحركه الى ان يتغير لونه

ونضع عليه طماطم مطحون مع فلفل رومي

وم البهارات المشكلة والفلفل الاسود والاحمر او فلفل اخضر واحمر مفروم

ثم نضيف الصلصة عليهم

ونسكب كأس ماء

ونحركهم ونغطيهم

ونخليهم ع نار خفيفة تقريبا نصف ساعة

ثم بعدها نضيف الخضار المقطعة اطوال

( كوسة + باذنجان + جزر + قرع )

ثم نضيف الملح والليمون الاسود واعواد القرفة

ونسكب عليهم الماء الى نصف القدر او الى ان ينغمر اللحم بالماء تماما

ونخليهم ع نار عالية الى ان يبدأ بالغليان

ثم نوطي النار ونتركهم تقريبا 10 دقائق

و بعدها نحضر رقائق المرقوق الطري ( القرصان المسلوب بالسعودي ) ..

ونقطعه قطع كبيرة

ثم نضيفه على الخضار قطعة قطعة مع التحريك المستمر

واهم شي ان يكون المقدار يكفي لعدد العائلة

وبرضو اهم شي ان تكون المرقة كثيرة لانه اثناء طبخ الرقائق ضروري تكون المرقة كثيرة لتتشرب الماء ويصبح لينا وطريا

وبعد ان تنتهي الرقائق

نحركهم جيدا ونضيف عليهم قرون الفلفل الاحمر الحار او الاخضر

ونتركهم ع نار خفيفة لمدة نصف – ثلث ساعة او اكثر على حسب نضج القرصان

ومن الضروري ان تكون متفككة وان نحركها جيدا لانها تتعجن ان لم تحرك جيدا

وبعدها نقدم المرقوق بصحن التقديم

ونرش عليها الفلفل الاسود والزبدة

وتمتعوا باطعم مرقوق ذقتوه بحياتكم

وبالهناء والعافية ….

===

الوصفة الثالثة

مرقوق امي

ألذ مرقوق مناصفه بيني وبين الماما

انا كشنت وهي رقت العجينه

المكونات وطريقة مرقوق امي باللحم الحاشي

المكونات الاساسيه يعني لحم حاشي + خضار +عجينه

بالبدايه احمسي كميه حليله من البصل

( حليله يعني كثيره)

وشرايح فلفل بارد مع حبة ليمون اسود وعودين قرفه

الحركة ذي اختياريه لكن تعطي نكهه ما حصلتش

وبعد ما يتحمر البصل اضيفي قطع اللحم الحاشي

وقلبيها لحد ما يتغير لونها او لحد ما تنشف مويتها انتي ووقتك

بعدين اضيفي الطماط المطحون والصلصه

وخليها لحد ما تتسبك

بعدين اضيفي البهارات والملح والفلفل الحار

ثم اضيفي كميه مناسبه من الماء وخلي اللحم ياخذ له غلوه محترمه

بعدين اضيفي الخضار

وهي عباره عن بطاطس + قرع + كوسه + فاصولياء او لوباء + باذنجان

طبعا التقطيع يكون كبير نوعا ما عشان يكون شكلها واضح عند التقديم

والخضار بعد ما استوت طبعا تشيلين جزء من الخضار وخصوصا الباذنجان علشان ما تنهري من الطبخ

ونجي لعجينة المرقوق

جين بر اسمر وماء وذرة ملح

تعجن بماء دافي وتكون وسط لا رخوه مره ولا قاسيه مره

نجي هنا لاهم مرحله وهي مرحلة الرق

تاخذين قطعة العجين وتبدين تفردينها بين ايدينك نفس طريقة الخباز

لين توصلين للحجم اللي تبين

بس لا يصير اكبر من استدارة القدر وتبلشين بالعجينه تلبد على بعض

وبعدين تنزلينها على المرق

وتغطين القدر

وهكذا على وحده وحده وقبل ما تنزلين اي قطعه تحركين اللي قبلها على جنب ( طبعا النار عاليه )

وبعد ما تنتهين من الرق

تخلين النار عاليه شوي لمدة ربع ساعه مع التقليب

وبعدين تهدين النار على آخر درجه وتخلينه نصف ساعه

بعدين اغرفي المرقوق في صحن عميق

وزينيه بالخضار واستمتعي بالفء والشبع الذي يدوم ليله كامله

صحة وعافية♥️