طريقه جريش مها الصيعري

طريقة عمل جريش مها الصيعري بالصور

وصفة ألذ و أسهل جريش سعودي بالدجاج

how to make chicken jareesh recipe in arabic

مكونات ومقادير وطريقة اعداد وتحضير وعمل جريش مها الصيعري :

لعمل الجريش

كأسين جريش تركي
كأس رز سنوايت مصري

يغسل وينقع ساعتين اقل شي،، وكل ماطول افضل

دجاج مقطع اربع قطع منزوع الجلد

مع كشنة بصل بالزبده

تحمسين البصل بالزبده يطلع ذوق

سوي الدجاج وقليل ملح والبهارات البيضا اذا موجوده او مرق ماجي و فلفل احمر

وضيفي الماء وخليه يغلي حتى يستوي الدجاج

صفي مرق من الدجاج والبصل وسويه بقدر ثقيل

وضيفي له الجريش المنقوع مع الرز المصري

(( كل كاس جريش مقابل اربع كاسات ماء قيسي المرق كم كاسات قبل تضيفي عليه الجريش ))

خليه ع نار هاديه

الدجاج اختياري اذا ودك تسوينه او لا

انا سويته طلع مررره لذيذ

فتت الدجاج صغيره و بدون عظم ضيفيها ع الجريش ،

اخلطي كاسين لبن الي هو ((روب)) وعلبة زبادي وضيفيها على الجريش

خليها يطبخ ساعتين ع نار هاديه وكل شوي حركيه وهرسيه .

لعمل كشنة ومسمنة الجريش

بصل مقطع صغير وفلفل وزبده احمسي البصل حتى يذبل

وضيفي عليه المسمنه خاصه للجريش مرره نكتها تهبل ،وبهارات الي تحبين

اذا ماعندك مسمنه استبدليها بالليمون الاسود مطحون .

وبعد مايستوي الجريش حطيه بصحن التقديم

وحطي فوقه كشنة البصل

ويقدم الجريش وهو ساخن حار وبالعافيه

صحة وعافية♥️