قهوة عربية سعودية افنان الجوهر
طريقة عمل قهوة عربية سعودية بالصور افنان الجوهر
how to make arabic coffee qahwa recipe
وصفة عمل القهوة السعودية العربية بخلطة القصيم الجاهزة ❤️
سر طعم القهوة العربية في حمسها🔥
وكل وحده ولها طريقتها الخاصه بالقهوه العربيه
حبيت اشارككم طريقتي وان شاء الله تعجبكم 👏🏻
طريقتي بتحضير القهوه العربيه
اولا نشتري افضل نوع بن
وهنا استخدمت قهوة الهرري درجة اولى
ننقيها ونطلع منه الحاجات السوداء لو كان فيها شوائب
ونغسل القهوة ونفرشه بصينيه كبيره ونترك القهوة تنشف اقل شيء يوم كامل
وبعدين نحمس القهوة ودرجة التحميس راجعه لكم
اذا تحبون القهوة فاتح او وسط او غامق
احمسو القهوة على نار هاديه مع التحريك المستمر
نترك القهوة تبرد
واذا بردت القهوة
نطحن القهوة
الان نسوي ونطبخ القهوة
⠀
المقادير والمكونات لعمل القهوة السعودية الصفراء :
لتر ماء مغلي ( ٤ أكواب )
فنجانين بن ( ٣ ملاعق طعام )
نص ملعقه من خلطة القصيم
شوية زعفران
ملعقه كبيره هيل
٣ حبات قرنفل
الطريقة لعمل القهوة السعودية الصفراء :
نضع الملقمة على النار العالية
ونضع الماء مقدار اربعة اكواب
ملاحظه و نقطه مهمه :
( قبل ماتضيفوا البن للمويه
خلوا النار ع الهادي لانو النار لو كان عالي يفور ويطلع البن لبرا )
الان نخفف قوة النار
ونضع القهوة او البن مقدار فنجانين بن او ما يعادل ٣ ملاعق طعام
ونترك القهوة تغلي لمدة ربع ساعة
بعد مرور 15 دقيقة
اضع نصف ملعقة من خلطة القصيم للقهوة
واتركها تغلي لمدة دقيقتين
اطفي النار
واغطي الملقمة
واترك القهوة تصفي وتركد وترتاح خمس دقايق
الان اجهز الزمزمية اللي بأقدم فيها القهوة
أضع فيها شوي زعفران
وملعقة كبيرة هيل مطحون
والقرنفل ( مسمار – عويدي )
والآن مر خمس دقائق وصفت القهوة في الملقمة
أزل القهوة وأصبها بالترمس أو الزمزمية
وتقدم القهوة العربية السعودية الصفراء مع التمر والحلى
وبالعافية
