قبوط محشي بحريني

قبوط محشي بحريني

طريقة عمل قبوط بالدجاج بالصور من مطبخ أخت مبارك

الجباب او الكرم او القبوط وهي من الطبخات الشعبية التي اعتاد اهل البحرين على طباخها والتفنن فيها

وكذلك أهل الكويت والشرقية

اليوم طبختنا هي القبوط وهي اكلتي المفضله وايد احبها

والقبوط اكله مشهوره في البحرين ودولة الكويت اكثر وتستوي بالدجاج او اللحم فقط

وهي نفس المطازيز السعودية بس تختلف اننا نحشي العجينه

واليوم سويت القبوط بالدجاج

والقبوط هو عباره عن عجينة من دقيق البر تعجن بالماء والملح وتحشى بالبصل

ويصير بعد نسويها بدون حشو البصل بس عجينه خاليه وتطبخ في مرق الدجاج

بس هي طبخه شوي يبيلها صبر وواسعة صدر وبال طويل

والحين بقول لكم المقادير بعدين اذكر لكم الطريقه مع الصور

مكونات ومقادير عمل قبوط بالدجاج

دجاجة وحده مقطعه 8 قطع منزوعة الجلد
حبتين طماطم مقطعه
بصله مفرومه
ثلاث فصوص ثوم
البهارات
بزار وفلفل اسود وملح وكركم كمون وكزبره ناشفين مطحونين

مقادير حشوة القبوط :

2 بصل مفرومين
كزبره مفرومه
البهارات المطلوبه للحشو
بزار نص ملعقة صغيره
نص ملعقة صغيره فلفل اسود
شوي كركم
ملعقتين صغار ليمون اسود مطحون

مقادير عجينة القبوط :

4 كوب دقيق بر منخول
شوي ماء
نص ملعقة صغيره ملح
نص فنيال زيت

طريقة عمل عجينة القبوط :

نعجن العجينه بالماء والملح

واخر شي بعد مانخلص نحط عليها الزيت

ونتبدي نعجن مره اخرى

وخلاص نغطيها ترتاح لين يحين موعد حشيها

طريقة القبوط المحشي من المطبخ البحريني

وعند قرب الحشو

نكورها كور صغيره

واهم شي ندهن شوي اليد بالزيت وحنا نكور

ونرش الصينيه بطحين شوي عشان لما نحط الكور ماتتلصق

طريقة القبوط المحشي من المطبخ البحريني

طريقة مرق القبوط :

نحمس البصل في الزيت مع الثوم والبهارات

بزار وفلفل اسود وملح وكركم كمون وكزبره ناشفين مطحونين

طريقة القبوط المحشي من المطبخ البحريني

بعدين نحط صلصة الطماطم علبة كامله

ونحرك ثلاث دقايق

وبعدين نضيف الطماطم

طريقة القبوط المحشي من المطبخ البحريني

ونضيف الدجاج ونقلب

ونخليه شوي عالنار على ما يسخن الماء للمرق

طريقة القبوط المحشي من المطبخ البحريني

نضيف الماء ونحرك شوي

طريقة القبوط المحشي من المطبخ البحريني

نسكر القدر هالشكل

ونخليه على نار وسط لين نص ساعه فقط او اربعين دقيقه بكفيكم

طريقة القبوط المحشي من المطبخ البحريني

طريقة حشوة القبوط :

والحين نسوي حشوة البصل

نحط البصل وفصين ثوم مطحونين والبهارات المذكوره للحشوه

طريقة القبوط المحشي من المطبخ البحريني

نضيف الكزبره ونحرك

طريقة القبوط المحشي من المطبخ البحريني

نحشيها هالشكل ونقفلها من كل الاطراف

طريقة القبوط المحشي من المطبخ البحريني

نكمل عمل القبوط

وبعد ما يستوي الدجاج

نشيل الدجاج على جنب

وننزل الكور المحشية في المرق

ونغطي القدر ونخليه يستوي مدة خمسين دقيقه فقط وبعد مايستوي العجين نرجع الدجاج للقدر

وهذا شكل القبوط بعد ما استوى

طريقة القبوط المحشي من المطبخ البحريني

طريقة القبوط المحشي من المطبخ البحريني

طريقة القبوط المحشي من المطبخ البحريني

ويقدم القبوط بالعافيه

طريقة القبوط المحشي من المطبخ البحريني

طريقة القبوط المحشي من المطبخ البحريني

بالهناء والشفاء ان شاء الله

وصفات أكلات شعبية

وصفات أكلات شعبية

وصفات الأكلات الشعبية القديمة والتراثية والتقليدية من المطبخ الخليجي والعربي حسب موروث المطبخ الشعبي لكل دولة ومنطقة

اترك تعليقاً

لن يتم نشر عنوان بريدك الإلكتروني.