برياني بالدجاج عبير العميرة

برياني بالدجاج عبير العميرة

وصفة برياني بالدجاج لذيذ بالصور biryani rice recipe من وصفات وعمل مطبخ عبير العميرة

بريآني بالدجاج طعم لذيذ يدوخ 🤤👌🏻

مكونات ومقادير وطريقة عمل برياني بالدجاج :

أول شيء ننقع 3 أكواب رز نص ساعه إلى ساعة وبعدين نسلقه ثلاث أرباع استواء ،استخدمت ( رز أبو كاس ) ..

في قدر نضيف كمية من الزيت نحط أول شيء كزبره ناشفة مجروشة ونحمرها خفيف في الزيت لين تطلع ريحتها بعدين نضيف البصل والثوم ومهروس الزنجبيل ونكشن مضبوط لين يذبل البصل وبعدين نضيف شوي معجون الطماطم ونحمسه شوي بعدين نضيف قطع فلفل على حسب الرغبه + فلفل حار حبات كاملة .. بعدين نضيف قطع الدجاج بدون جلد نكون متبّلينها من قبل أقل شيء نص ساعه التتبيلة : ( زبادي ، حليب جوز الهند ” اختياري ” ، نعناع مجفف ، زيت زيتون ) وبعدين نضيف البهارات العدله : ( ورق غار ، حبات هيل ، أعواد دارسين ، حبات كزبره ، حبه أو حبتين ليمون أسود ، ملح خشن ) والبهارات المطحونه : ( م ك كركم ، م ك كاري أو أي بهارات برياني عندك تثقين بطعمها ، فلفل أسود وأحمر ، بابريكا )
وبعدين نقلبهم مع الدجاج ونغطّي القدر نخلي الدجاج يتسبك لين يستوي

طريقة الكشنة /

بصل مقطع مكعبات نحمسه بالتاوه لين يذبل وتصير أطراف البصل بني فاتح وبعدين نضيف الزيت ونحرك لين يذبل زياده ونضيف الكركم وبهارات المسمنه والزبيب المنقوع .

طريقة البصل الشرائح المقلي /

عباره عن بصل أصفر و عادي بالأحمر اذا ما عندك الأصفر بس أنا أفضّل الأصفر أقطّعه شرائح رفيعه بعدين أخلط معه ( نشاء + كركم ) لين تتغطّى كل شرائح البصل مضبوط بعدين أبدأ أقلي البصل دفعه دفعه ..
التاوه تكون وسيعه وما نكثر كمية البصل بالزيت ولا نحرّك كثير نخليه ياخذ لون على راحته
والنار تكون وسط

الحين نجيب قدر أو صينية فرن ونصلح الطبقات أول شيء نحط الرز

بعدين شوي من الخلطه

ثمن البصل الجوانح المقلي ثمن الرز

وهكذا لين نعبّي القدر وآخر شيء نحط ونرش ع الوجه شوي زيت وزبده ذايبه مع م ص من ملون الطعام ، أو زعفران للي يحبّون نكهته بالرز

نحط الكشنه والبصل المقلي وحبات الصنوبر المحمّره

طريقة اعداد وتحضير وعمل برياني بالدجاج عبير العميرة بالصور biryani rice recipe

و نقصدر القدر ونكتمه بالغطاء ونخليه على نار هادئة جداً نص ساعه تقريباً .

وقبل التقديم نقلب الرز ونغرف

طريقة اعداد وتحضير وعمل برياني بالدجاج عبير العميرة بالصور biryani rice recipe

وصحتين وألف عافية😋

طريقة اعداد وتحضير وعمل برياني بالدجاج عبير العميرة بالصور biryani rice recipe

طريقة اعداد وتحضير وعمل برياني بالدجاج عبير العميرة بالصور biryani rice recipe

وصفة البرياني لذيذة وانصحكم بتجربتها

عبير العميرة

وصفات و طبخات و أكلات الشيف السعودية المتميزة عبير العميرة .. الوصفات خاصة فقط بأشهي الأكلات الشعبية والمعجنات الشعبية والحلويات الشعبية خصوصا الأكلات والنجدية والقصيمية والحائلية المشهورة والسريعة واللذيذة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *