الباجة العراقية
وصفة طريقة تحضير الباچه العراقيه سهله ولذيذه بالصور trotters recipe من وصفات وعمل مطبخ مون هوم
شلونه علاقتكم بالباچه 🤤😉
هسه راح تصيرون فريقين فريق المايعين وفريق يضربون بالخمسه 🌚😅
جربوها على طريقتي الطعم ولا اروع
كثير من البنات مجربيها وكلش فرق عدهم الطعم
مكونات ومقادير وطريقة عمل الباچه العراقيه :
راس خروف كامل منظف جيدا
بعدها هم شوحته على النار حتى مايبقى اي صوف
قطعتها وغسلته جيدا
الخطوه المهمه هي بالبدايه اسلقه مده عشر دقايق تقريبا بس تفور شويه واطفيها واتخلص من الماء جدا ضروريه هذه الخطوه حتى نتخلص من كل الزفره
بعدها :
احمس كميه بصل
وبهارات صحيحه
واضيف قطع الباجه الراس والكوارع واحمسه قليلا
واضيف بقيه البهارات المطحونه
(بهارات مشكله على طريقتي 👍 ودارسين وهيل وكركم )
واحط عليه ماء يغمره
كل ماتطلع زفره ليفوك اشيله لحد ماتخلص
بعدين ضفت قطع بصل وراس ثوم ونومي بصره وفلفل
واتركه على نار جدا هادئه تستوي
اني طبخته بچدر الضغط ناخذ وقت ساعه
والف عافيه
جربوا طريقتي متأكده الكل راح يحبها 🤤👍
نقدم الباجة العراقية مع الخبز والخضروات واللبن
وصحتين وألف عافية😋
