اكلة الباجة العراقية

اكلة الباجة العراقية

وصفة طريقة عمل اكلة الباجة العراقية سهله ولذيذه بالصور trotters recipe من وصفات وعمل مطبخ دنيا جمال

اول مره اليه اسوي باچه والطعم يجنن والطريقه اسهل من كل الاكلات
احلى شي بأكلة الباچه انوو تذب مونه مو طبيعيه واطيب شي ويه الباجه البصل والطرشي والليمون
الباجه هي اصله اكله عراقيين اشتهروا بيهه العراقيين من الزمن القديم واصله راس الخروف او البقره واجزاءه الي هيه العين واللسان والمخ ورجل الخروف او البقره الي تسمه الكراعين او الكرعان والكرشه الي هيه المعده وممبار او البمبار الي هيه الامعاء بحيث تتنظف وتتحشى تمن ولحم وجوز.
الباجه ناخذهه نظيفه وجاهزه من السوق بس اكيد بالبيت اتأكد من تنظيفهه وادقق بالتفاصيل
وانشاءالله بالمره الجايه اتعلم طريقة الممبار
لحد الان تعلمت بس الباجه 😂
والنزاكه والانوثه ماألهه اي دخل بأكلة الباجه 😂

مكونات ومقادير وطريقة عمل الباجة العراقية :

احظر جدر كلش كبير واضيف اجزاء الباجه المتوفره عندي واضيف ماء فوق مستواهه واخلي يفور

وبعدهه اضل اتخلص من الزفره فوره بعد فوره

وبعدين اضيف بصلايه بدون ثرم وسنين ثوم وملح وكركم خاشوگه (ملعقه) صغيره ونومي بصره

واسلفن الجدر واخلي ع نار ناصيه كلش

وبعد ساعتين من نفتح الجدر حنلگه طبقه من الدهن تقريب اصبعين والريحه 😋😍والمونه والطعم 🙈

يتميز مي الباجه الي هوه السوب بالقوه للجسم

واكلة الباجه تنأكل مع الخبز احنه نسمي ثريد واكو يسمو تشريب

وماكو شي اطيب من شي بالباچه لان اللسان يجنن والمخ اطيب والكرعان عبالك حلقوم وكلهه ع بعضهه تجنن.😋😍😍

واكيد مننسه اللبن لازم يشرفنه ع السفره🥛

وصفة اكلة الباجة العراقية بالصور trotter recipe

وصفة اكلة الباجة العراقية بالصور trotter recipe

وصفة اكلة الباجة العراقية بالصور trotter recipe

والف الف عافيه

وصفات أكلات شعبية

وصفات أكلات شعبية

وصفات الأكلات الشعبية القديمة والتراثية والتقليدية من المطبخ الخليجي والعربي حسب موروث المطبخ الشعبي لكل دولة ومنطقة

اترك تعليقاً

لن يتم نشر عنوان بريدك الإلكتروني.