مصابيب ام الحلوات
وصفة طريقة عمل مصابيب لذيذة وسهله بالصور من مطبخ ام الحلوات
المصابيب وله عده تسميات في القصيم ونجد والخليج يسمونه صبيب او مراصيع او رغفان او مراقيش
مكونات ومقادير خليط عجينة مصابيب ام الحلوات :
٢كوب دقيق بر ( طحين اسمر )
كوب ونص ماء
ملعقة كبيره خميره
نص ملعقه بكنج بودر
ذرة ملح
بيضتين
الطريقه لعمل مصابيب ام الحلوات :
دايم نخلط المقادير الجافة مع بعض قبل كل شي
والبيض والسوائل نحطها اول بالخلاط وبعدها المقادير الجافة
نخلط المقادير بالخلاط ونخلط
وحسب الطحين اذا شفتيها ثقيلة ممكن تزيدينها شوي مويه
انا استخدمت طحين القصيم كاسين مويه وكاسين طحين
كذا قوام وشكل خليط المصابيب
وخلوها تتخمر وكل ما تخمرت تكون ناجحه اكثر
والان نصب المصابيب على الصاجه سواء الكهربائية او على النار
ونعملها كلها حتى ينتهي الخليط
وللمصابيب الحلوة الحاليه
نذوب زبدة ونحركها لين تصير بنيه اللي تحت عشان النكهه
ونضيف على الزبدة قليل من العسل
ونحركه عشان يمتزج ويختلط مع الزبدة
وبعدين نصبه على المصابيب
واستمتعوا بمصابيب لذيذة لاخر قطعه
صحه وهناء💗💗
