خنفروش ياسمينة البحرين

طريقة عمل الخنفروش بالصور من مطبخ ياسمينة البحرين

how to make khanfaroosh recipe

وصفة الخنفروش البحريني بطريقتي 😍

الخنفروش طبق شعبي بحريني معروف *_* وسهل وسريع ماياخذ وقت . أسرع من اللقيمات 😎

وله عدة طرق وهذي الطريقة المعتمدة عندي خفيفة ولذيذة 😋 👌

مكونات ومقادير خليط عجينة الخنفروش البحريني :

1كوب طحين جميع الاستعمالات
1كوب سميد
2 بيضات
3 فناجين سكر أو 4 ملاعق كبيرة
نصف كوب ماي ورد
رشة زعفران وهيل
نصف ملعقة بكنغ باودر ممكن ملعقة اذا تحبينه منتفش
3ملاعق اكل دبس تمر
ماء للعجن … حسب الحاجة حوالي كوب بالتدريج . .

ملاحظة :
إذا تستغني عن الدبس نكثر السكر .

سمسم زينه

طريقة اعداد وتحضير وعمل الخنفروش البحريني :

نخلط جميع المقادير مع بعض

شكل الخليط ثقيل شوي

ونخليه على الاقل ربع ساعة يرتاح

الخنفروش البحريني يتم قليه في زيت حار وقليل وليس غزير علشان يصير مسطح و تتكون اقراص دائرية و تصب باليد حركة سريعة

اذا تبين الخنفروش ما يشرب الزيت لازم الزيت ما يكون بارد وانتي تصبينه لو كان الزيت بارد بيتشرب وايد ولو كان الزيت وايد حار فبينطبخ من برا ومن داخل لا .. لذا الافضل الزيت يكون شويه احر من الوسط

ويوضع السمسم قبل قلب الجهة الثانية

وتقلى بالجهتين

وبالهناء والعافية على قلوبكم

وبالعافيه 💙