الثريد العراقي
وصفة طريقة طبخ اكلة الثريد العراقي بالصور thareed recipe من وصفات مطبخ الشيف زينب الحسن
الثريد العراقي ونسميه تشريب لحم احمر ❤️
تشريب مال اول يعني الثريد الزين الطعم فدشي ومفلفل 🔥🔥😋
الطريقة اسهل شي واطيب شي هالتشريب يفيد عشاق الثريد واني منهم
الطعم اصلي مال اول وخاصة الباذنجانة اللي ضفتها للتشريب طعمها كلش طيب ضروري تجربونها
واكيد لازم حبشكلات الثريد بصل على فلفل وفجل وخضرة وخس وضروري لاتنسون كاسة التشريب صارت معروفة الكم وجودها عالسفرة عفية بالضبط حتى تجددون بدون متگومون من الاكل 😉
وبالف عافية علينة وعلى عيونكم الحلوة
مكونات ومقادير وطريقة عمل الثريد العراقي :
اسلق لحم غنم قطع كبيرة من الفخذ او الكتف او الرقبة بمي
وجزر وبصل وثوم وفلفل اسود حب وقرنفل بسمار وهيل حب ورق غار عود دارسين
واخلي يستوي تمام واخر شي نضيف الملح
بعدها بالجدر احمس بصل روس صغيرة بدون ما افتحهم ونومي بصرة بسس ازرفة وحمص حب كامل وطماطة مقطعة كبار
واحمس وياهم المعجون واضيف اللحم واحمسهم واضيف مي سلك اللحم
واذا راد مي اخلي بعد واخلي يفور ويثخن ونعادل الطعم الملح اذا فاهي اخلي لان مي اللحم بي ملح
وبعدها نطفي النار
ونقوم بقطع الخبر العراقي الى قطع متوسطة الحجم
ونضعها في وعاء كبير ونرتب الخبز المقطع في الصحن
ونصب ماء اللحم التشريب ونقوم بتشريب الخبز ونصف قطع اللحم فوق الخبز الذي تشرب من صلصة اللحم
ونضع قطع اللومي ايضا والبصل والحمص وتصبي اخر شي المرقة والاهم يتشرب الخبز مرق.
يقدم الثريد العراقي مع الفجل والبصل الاخضر والخس ومقبلات والمخلات
والبعض يأكل معه الرز الابيض
وعلينه وعلى عيونكم بالف عافية
