الباجة الموصلية
وصفة طريقة عمل اكلة الباجة الموصلية سهله ولذيذه بالصور trotters recipe من وصفات وعمل مطبخ الشيف توته العراقية
مكونات ومقادير وطريقة عمل الباجة العراقية :
طبعا مكونات الباجة تغسلوها وتشعوطوها وتنظفوها كلش زين حسب كل شخص وطريقه تنظيفه 😍 لحد ميصير الماء مال الغسل ابيض بحيث بعد ماكو شي
تحطون الباچه ب جدر استخدمنه جدر فافون كالعاده 😉 وتضيفون عليه كوب ماء فقط ونتركها تستوي ع بخار لحد مينشف الماء
تضيفون زيت عليها ونضيف حبتين بصل مقشري ب تميته وفصوص ثوم حسب الرغبه وكم حبه هيل وحبتين نومي بصره وبس نتركها شويه تتشوح (تنحمس) (تكدرون تضيفون البصل والنومي بعد متضيفون الماء الحار)
وبعدين نظيف عليها رشه كركم وماء الحار .. قياس الماء المهم يغطيها
ونتركها تستوي ع راحتها وبعدين م̷ـــِْن تفوور (تغلي) نضيف الملح 😍 وهم نرجع نتركها شويه وبعدين راح تجهز
نحضر الخبز 😅 ونضيف عليه ماء الباچه 😍 وهيج ثردنه 😌 بصينيه وحده الخبز (الثريد) وضفنه كل حبشكلات الباچه ع وجه 😍
ويتقدم الباچه ويا ليمون او رارنج وبصل وطرشي 😜 وسوب الباچه
والف عافيه 💜
