صالونة بازلاء بالدجاج والكريمة
وصفة طريقة طبخ وعمل اكلة صالونة بازلاء بالدجاج والكريمة salona recipe من وصفات مطبخ الشيف الباكستانية غزاله خان
.صالونة بازلاء بالدجاج والكريمة من المطبخ الهندي أكلة سهله وسريعه ولذيذة
مكونات ومقادير وتحضير صالونة بازلاء بالدجاج والكريمة :
المكونات :
صدور الدجاج او دجاج ١٠٠٠ غ
٤ طماط الى ٥ كبار مضروبين ب خلاط
بصلتين كبار مضروبه ب خلاط
بازيلا او اي خضره ٤٥٠ غ
كريمة الطبخ كوب ، ثوم راس
بهارات خضار جاهزه من مهران ٣ م ص
انا ضفت معها كركم ١/٢ م ص و قرام ماسالا ناعم ١ م ص، ملح ١ م ص مسطحه
الطريقه :
في قدر او كراي نصب زيت عليه نضيف البصل المطحون
و نقلب لين يصير قريب الذهبي
ثم نضيف عليه قطع الدجاج او الصدور
و نقلب لين يصير على مقمر
ثم نضيف ثوم و وراه نصب الطماط
لين يثقل قوام الايدام ( الطماط ) و يطلع الزيت
نضيف كريمة الطبخ مع البهارات و الملح
و ننتظره دقيقتين مع التقليب
ثم نضيف الخضار اللي تحبون او بازيلا
و نغطي عليه لين الايدام كله يطلع الزيت معناته جاهز
نزينها بالكزبره الخضراء
وتقدم صالونة البازلاء بالدجاج والكريمة مع الرز الابيض او الخبز
و بالف عافيه
وعوافي مقدما🌷
