طريقة الهريس بصدور الدجاج

وصفة طريقة طبخ وعمل اكلة الهريس بصدور الدجاج بالصور harees recipe من مطبخ شهزلان

سويت هريسه بالدجاج لذيذه وسهله بتعجبكم

مكونات ومقادير وطريقة عمل الهريس بصدور الدجاج :

مقاديري

حب هريس

اربع طماطات وكل ما كثروا صارت الهريسة احلى

صدور دجاج او لحمه هبره ما عندي لحمه فسويتها على صدور الدجاج

وطبعاً ملح فقط بدون اضافة اي بهارات اخرى فقط ملح

وماء يغطي حب الهريس ويرتفع عنه يمكن باربع سانتيات

طريقتي

خليتهم على النار من ساعتين ونص الى 3 ساعات وممكن الى اربع اول على نار طويلة لمن يغلي تالي قصري النار خليها هادية مرة ..

هذا اول ما استوى حب الهريس قبل الضراب ..

وبعدين ضربناها .. والله يعينكم على الضراب .. واللي ما تقدر تضرب هالايام مطحنة البصل تقوم باللازم

وهذا شكلها بعد الضراب

وبعدين نجهز الدهن عشان نسطعها في صحن التقديم ..

وهذا شكل الهريس بصدور الدجاج النهائي ..

وبالف هناء وعافية ..