جريش ابيض ورد تميم
وصفة طريقة طبخ وعمل اكلة جريش ابيض بالصور jareesh recipe من مطبخ الشيف ورد تميم آمال المقبل
طريقة الكشنة وطريقة الجريش الابيض لذيذ وسهل
مكونات ومقادير وطريقة عمل جريش ابيض :
اول شي انقع الجريش
انا جريشي تركي الان تلاقونه بالسوق كيسه اخضر
انا ما عندي الكميه بالنظر اعرف وش الكميه اللي ابيها مع نص كوب رز مصري
واتركه لمده ساعه وهو منقع
نبدء بالطبخ نجيب شحم ممكن الاستغناء واكون فارمته ناعم مره وافرم بصلتين وسط واضيفه بقدر فيه قليل زيت واحمس لين يبدء الشحم يذوب والبصل من غير ما يتغير لونهم
اضيف صدرين دجاج مقطع طولي واحرك
ثم اضيف مويه مغليه نص القدر والملح وملعقة بهار ابيض بس شوي
ولما يغلي الما ء اضيف الجريش بعد ما صفيته من مويته وغسلته من جديد
واتركه على نار وسط لبدء الجريش يشرب مويته شوي اصب لبن الصافي مقاس كبير وحليب الصافي مقاس كيير
واترك الجريش يغلي لمده ربع ساعه
اوطي النار واتركه لمدة ساعه
بعد ذلك اضيف فلفل احمر كم حبه وادخله الفرن على نار هاديه لمده ٣ساعات
يكون قبل ما اهرسه اعصر ليمونه واكون شايله الفلفل
وبعدين اقدمه في صحن التقديم واضيف الكشنة
طريقة الكشنة الي فوق الجريش
بصل مقطع صغير نص اصبع زبده شويه زيت ملعقة صغيره ليمون اسود جاف بودر وملعقه كبيره مسمنه وقطعه تمر هندي تقريبا ملعقه كبيره
نتركه على نار هاديه لمدة ١٠ دقايق حتى يذوب التمر الهندي
وبعد كذا نحاول نشيل حبوب التمر الهندي الي مع البصل
وبكذا خلصنا
الكشنة تنفع للجريش الابيض والاحمر
وصحتين وألف عافية😋
