وصفة مجبوس سمك هامور قطري
طريقة عمل وصفة مجبوس سمك هامور قطري بالصور من مطبخ الطباخه القطريه الشيف نور المزروعي 🇶🇦👩🏻🍳
مجبوس سمج الهامور 🐠 من وصفات اكلات المطبخ القطري
how to make best rice with fish – qatari hamour fish machboos recipe in arabic
مقادير ومكونات مجبوس سمك الهامور القطري :
سمح هامور
ارز بسمتي مغسول ومنقوع ساعه
الخضار:
بصل
ثوم
زنجبيل
طماط
فلفل اخضر حار
فلفل اخضر بارد
بقدونس
كزبرة
التوابل :
توابل صحيحه : الهيل ورق الغار والقرفه والكمون والكزبره .
ليمون اسود مجفف
كركم
ملح
بزار القطري للكبسه او اي بهارات خليجيه عندكم
طريقة عمل مجبوس سمك الهامور القطري :
في البداية ترى مو شرط سمك هامور ممكن تعلمونه سمك كنعد وهي نفس الطريقة والخطوات بالضبط
يغسل السمك زين
ويقطع ثم يملح ويترك نص ساعه لتزول الزفره
ثم يغسل
ويترك بالمصفاه حتى ينشف
ثم ابهره بالملح والكركم والبزار القطري
ثم يقلى ويحمر السمك بزيت حار من الجهتين
بالاول نحمر الجهه الاولى وبعدها نقلبه للوجه الثاني
ونشيل السمك من النار
وفي نفس القدر والزيت اللي حمرنا فيه السمك نحط
التوابل الصحيحه
الهيل ورق الغار والقرفه والكمون والكزبره
والبصل
ونحط الملح والكركم والبزار القطري
ونقلب ونحط
الليمون الاسود والفلفل الاخضر والثوم والزنجبيل
ونقلب ونضيف
الطماطم والبقدونس والكزبرة المفرومين
ونحرك المكونات
ونحمس الخليط كله مع بعض
ثم نضيف الماء والفلفل الحار
ونتركه يطبخ حوالي خمس دقايق
ياخذ النكهه وتمتزج المكونات
وبعدها نحط العيش او الرز المنقع
ونخليه عشر دقايق على نار حاره
بعدها نقصر النار ونخليها هاديه مره
ونرجع السمك المحمر ونحطه على وجه الرز
ونغطي القدر
ونخليه على النار الهاديه 40 دقيقة او 45 دقيقة
لين يستوي العيش تماما وياخذ نكهة السمك
وبعدها يكون المجبوس جاهز
ونغرف المجبوس ونحطه بصحن التقديم
ونحط السمك فوق الرز المجبوس
وعليكم بالعافية
صحة وعافية♥️
