الذ حشوة سمبوسة
طريقة عمل الذ حشوة سمبوسة بالصور من مطبخ عبير العميرة
وصفة حشوة سمبوسة لذيذة جدا وسهله وسريعه
حشوة السمبوسة اللذيذه 😍😋👌🏻 مكونآتها تجيب السعآده من الألوان المتداخله مع بعض 💚💖❤️💛
جرّبوهآ وبتحبّونها ان شاء الله 😍 :
وقبل ما أبدى بقولكم من مكونات الوصفه البيض واللي عنده عقده من البيض يلغي البيض وانتهى الأمر ياقلبيني ☺️🙊
مكونات و مقادير وطريقة عمل وتحضير الذ حشوة سمبوسة :
أول شي ع التاوه نحط لحم مفروم طازج
واستخدمت ( لحم مفروم بقري ” عجل ” )
ونخلّيه ع النار لين يبدى يستوي وتنشف مويته مو تنشف مره يبقى شي خفيف .
ثم نضيف بصل ابيض مفروم ناعم وشوي زيت .
ونضيف البهارات :
( البهارات الصفراء + فلفل اسود + فلفل أحمر + بودرة بصل + بودرة ثوم + كزبره مطحونه + شوي كمون )
ثم نضيف بطاطس وجزر مقطع مربعات صغيره ومقلي
ونضيف الملح .
ونضيف بياض بيض مسلوق
( تشيلون الصفار وتقطعون بس البياض لمكعبات صغيره ) .
اخر شي نطفّي النار
ونضيف كراث + شوي كزبره مفرومه فقط بدون بقدونس ولا بصل اخضر
طعم الكراث مع هالوصفه عجيب 😍😋👌🏻
وبس خلصت وصفة الحشوة
جربوها سهله والمكونات مع بعض حبّوها عائلتي مره مره 😍💕😘 :
وجعلها بألف عآفيه على قلوبكم الجميله❤️💕
صحة وعافية ♥️
