مندي دجاج بقدر الضغط بالقصدير
وصفة مندي دجاج بقدر الضغط بالقصدير pressure cooking recipe من وصفات وعمل مطبخ ميمو
مكونات ومقادير عمل مندي الدجاج بقدر الضغط :
3 كاسات رز بسمتي
دجاجة كاملة
حبتين بصل كبار شوي
ملح
بهار مندي
حب هال، عود قرفة
زيت
صفار زعفران
ماء ساخن
طريقة اعداد وتحضير وعمل مندي الدجاج بقدر الضغط :
نغسل الدجاجة منيح بالملح والخل ونبهرها بالملح وشوي زيت وبهار مندي وشوي صغيرة صفار زعفران لان كتير بيصبغ لون اصفر منتبلها منيح ونتركها مع جنب
ننقع الرز بماء لمدة عشر دقايق ونغسله ونصفيه
في قدر اصغر من قدر الضغط نقطع البصل جوانح ونحمرها بالزيت حتى تشقر نضيف فوقا الرز ونحط الملح وبهار المندي تقريبا معلقتين صغار والهال وعود القرفة والماء الساخن لازم يكون غامر الرز تماما بالزبط ماعيرت انا
نغطي القدر اللي فيه الرز بالقصدير دورين بشان يصير سميك ونعمل ثقوب بالسكين من اعلى ونضع الدجاجة فوق ورق القصدير ثم نضع القدر اللي قصدرناه داخل قدر الضغط ونضع فيها ماء وعود قرفة بهالشكل
نغطي قدر الضغط ونضغطها ونضعها ع النار عاليه واول ما تصفر نخليه نار خفيفه لمدة ساعة كاملة
ونطفي تحتها ونتركها تبرد بعدين تفتحها
نفتح قدر الضغط وندخن المندي بواسطة فحمة لاجل ياخذ نكهة التدخين
الدجاجة ممكن تحمرينها بالفرن خمس دقايق من اعلى لاجل تاخذ اللون والقرمشة
وبالعافية
