مقلوبة مها الصيعري
طريقة عمل مقلوبة مها الصيعري بالصور
وصفتين لعمل ألذ رز مقلوبة دجاج لذيذة بطريقة مها الصيعري سهلة وسريعة
الوصفة الاولى مقلوبة دجاج بالخضار
الوصفة الثانية المقلوبة السعودية بالدجاج بدون خضار مها الصيعري
how to make maqluba rice recipe at home with pictures
اللي تقول كيف اسوي المقلوبة
تفضلي طريقة عمل المقلوبة بأكثر من طريقة
الوصفة الاولى
مقلوبة دجاج بالخضار
المقادير والطريقة
الخضار كلها تقطع شرائح
الطماطم ،، فلفل بارد ،،بطاطس ،،باذنجان ،،كوسه
ودجاجه تقطعيها ثمان قطع وتنزعين الجلد
اول شي تسوي كشنة بصل مع فلفل بارد لين يذبل البصل
ونحط عليه الطماط ورشة ملح وفلفل حار حسب الرغبه
وغطيها ع نار هاديه حتى تذوب الطماط
ثم اضيفي معجون طماطم والدجاج وكزبره مفرومه وبهارات
اوتركيها شوي ع النار
بعدين ضيفي عليها مايقارب كاسيين ماء
وأحكميها بالغطاء حتى تستوي
الخضار بعد تقطيعها وتغسيلها تقلي بزيت
وخليها شرائح خفيفه مره عشان تستوي بزيت
ومن ثم ع شفاف يمتص الزيت الي فيها بعد القلي
وضيفيها على كشنة الدجاج
وحركيها مع بعض
واتركيها ع نار هاديه
اما الارز
تغسلين الرز لين يصفى اول ما تدخلين المطبخ
وتنقعينه في ماء دافي لمدة ساعة او اكثر وماتحركينه ابد
وعند وقت تطبخينه صفيه من الماء
وحطيه بالقدر مع ملح وزيت وماء الي يغطيه بس
واسلقيه لين يستوي
الان جيبي قدر بدون حواف الي داخله عشان يضبط للمقلوبه
وحطي ايدام الدجاج والخضار تحت
وفوقه الارز
وأضغطي عليه لين يتراصف
وممكن تحطين على الوجه صفار الزعفران حق الطعام
حطي بيدك صحن وضغطي عليه
وخليها شوي على النار عشر دقائق
وبعدها اقلبيها بصحن التقديم
وتلذذوا بألذ واسهل واسرع مقلوبة بالدجاج
وبالف عافيه
🌸لاتنسوني من دعواتكم🌸
====
الوصفة الثانية
المقلوبة السعودية بالدجاج بدون خضار سريعه وسهله 😋
المقادير والطريقة
بصل وفلفل رومي
تحمس باصبع زبده او زيت
ثم نضيف معجون طماطم
وطماطم مقطعه شرائح
ودجاج مقطع ثمان قطع منزوع الجلد وذايب من الثلج تمامآ
ونضع بهارات مرق ماجي وقليل ملح
وغطيها حتى تذبل الكشنه
ثم ضيفي عليه كاسين ماء حار
وقصري النار وقلبيها كل شوي حتى يستوي الدجاج وينشف الماء
اما الزر
قبل تبدي بالدجاج اغسله اكثر من خمس مرات
وانقعه بماء دافي لمده ساعه
ويسلق لحاله مع ماء و ملح وقليل زيت
وبعد ما يستوى الرز حطي عليه صفار الطعام
وضيفي الرز فوق كشنة الدجاج
وخليه دقايق على النار
وبعدها اقلبيه بصحن التقديم
وبالعافيه .
صحة وعافية♥️
