محلى هيفاء سليمان

طريقة عمل محلى هيفاء سليمان الحماد بالصور

وصفة الذ محلى تمر نجدي مضبوط بالخلاط والبعض يسميه عصيدة التمر

how to make saudi muhalaa dates recipe in arabic

مكونات وطريقة عمل وتحضير المحلى :

لعمل المحلى

نجيب كيلو تمر منزوع النوى او تمر وينزع منه النوى

ويترك وينقع في ماء حار حوالي ربع الى نص ساعه تقريباً

بعدين نضعه في الخلاط ونطحنه في الخلاط الكاس

ثم يوضع الخليط في قدر

ويترك يغلى تقريبا عشر دقايق

ثم يضاف عليه الدقيق على فترات متقاربه …

نحط اربع كاسات طحين بر بالتدريج مع التحريك بمضرب السلك لين كله يتجانس

واثناء ما انتم تحطون الدقيق لاتوقفون تحريك لين تشوفونه متجانس مع بعض تماما

وبعدين نزيده مويه لين نوصل للسمك المطلوب

فيه احد يحبه لين مره وأحد يحبه قاسي

بعدين نحط عليه تقريبا مية غرام سمنه او اصبعين زبده

بعدها حركوه تحريك بسيط

وبعدها يترك على نار هاديه جدا لمده ساعه ونص الى ساعتين اقل شي

مع التقليب والتحريك كل عشر دقايق

ملاحظه التحريك على اتجاه واحد فقط يعني اذا حركتوه يمين بعدين حركتوه يسار ترا يخرب يسقط في قاع القدر ويتغير طعمه

وبعدين اذا خلص المحلى اغرفوه في حافظه او سخان

ونحط عليه شوي سمنه وفلفل اسود

وممكن تزينوه بالتمر والزبده السايحه

واستمتعوا بألذ محلى تمر مع القهوة

وسلامتكم 🌹🌹

ممكن تحطون المحلى توزيعات

صحة وعافية