مجبوس كنعد بحريني
طريقة عمل مجبوس كنعد بحريني بالصور من مطبخ أخت مبارك
وصفة مجبوس سمك الكعند على الطريقة البحرينية لذيذ و سهل
majboos kanad fish recipe in arabic
مكونات ومقادير وطريقة عمل وتحضير مجبوس سمك كنعد بحريني :
اول شي نقلي البطاطس للحمسة
ونخليها على جنب
في قدر
نحمس البصل مع 1 ليمون اسود منتف
ثم نبهر السمك الكنعد بالبهارات المحبوبه عندكم والثوم والزنجبيل
ونقليه في الزيت
شكل سمك الكعند بعد القلي
بعد ماياخذ البصل لون
نضيف عليه الملح شوي كركم فلفل اسود بزار والبهارات الصحيحه
ونضيف الطماطم الفلفل الرومي والحار والكزبرة
نضيف سمك الكعند المقلي ونقلب
ونضيف الماء ونحرك
ونخليه عالنار لين يستوي السمك
نرفع السمك من المرق
ونضع الرز لين يستوي
هذا شكل الرز بعد ما استوى
ونرجع السمك على الوجه
ونجهز الحمسة او الحشوه اللي توضع فوق الرز عند التقديم
وطريقتها
نحمس البصل مع ليمون اسود منتف واحد فقط مع ازالة البذور لازم والبهارات هيل مطحون فلفل اسود بزار ملح
نضيف الكزبرة الخضرا
ونقلب
والمكسرات المسلوقه والمقشرة لوز وكاجو
ونضيف الزبيب
وونحط زعفران مطحون مع ماء ورد شوي بس عشان اللون والنكهه
واخيرا نضع البطاطس اللي قليناه من اول
ونحطه فوقهم ونقلب
ونغطيه شوي بس خمس دقايق الى 7 دقايق على نار هادئه
والان نجهز الدقوس
طريقته
نسلق 4 طماطم مدة خمس دقايق
وبعدين نخليها تبرد ونقشرها ونزيل البذور
وهذا شكلها نحطها بالقلاص عشان بنطحنها
ونضيف عليها الكزبرة ثوم فصين الى 3 فصوص وفلفل اخضر حار 2 وملح
ونخلط المكونات
ويصير الدقوس جاهز
ويقدم مجبوس الكنعد البحريني بالعافية
صحة وعافية♥️
